މޮޅު ކީޕަރު އެޑަސަން ޑްރީމް ޓީމަށް ނޭރި!

ފީފާއިން ހޮވި މިދިޔަ އަހަރުގެ އެންމެ މޮޅު ކީޕަރުންނަށް މެންޗެސްޓާ ސިޓީގެ ކީޕަރު އެޑަސަން އާއި އިނގިރޭސި ގައުމީ ކީޕަރު މޭރީ އާޕްސް ހޮވައިފި އެވެ.

ފީފާ ދަ ބެސްޓް އެވޯޑް ހަފުލާގައި މި ދެ ކުޅުންތެރިން ވެސް ވަނީ އެވޯޑް ލިބުމަށްފަހު އެކަމާ ބެހޭ ގޮތުން ވާހަކަ ދައްކައިފަ އެވެ.

މި އެވޯޑަށް އޭނާއާ ވާދަކުރީ ރެއާލް މެޑްރިޑާއި ބެލްޖިއަމްގެ ކީޕަރު އަދި ފީފާ ޑްރީމް ޓީމުގެ ކީޕަރުކަން ލިބުނު ތިބައޫ ކޯޓުއާ އާއި މޮރޮކޯގެ ކީޕަރު ޔާސީން ބޫނޫ އެވެ.

ބްރެޒިލްގެ ބަދަލު ކީޕަރު އެޑަސަން ވަނީ މިދިޔަ ސީޒަނުގައި މެންޗެސްޓާ ސިޓީއާއެކު އިނގިރޭސި ޕްރެމިއާ ލީގާއި ޗެމްޕިއަންސް ލީގާއި އެފްއޭކަޕް އަދި ޔޫރަޕިއަން ސުޕަ ކަޕް ކާމިޔާބުކޮށްފަ އެވެ. ނަމަވެސް އޭނާ އަށް ފީފާގެ ޑްރީމުން ޓީމުން ފުރުސަތު ލިބޭ ގޮތެއްނުވި އެވެ.

އެންމެ މޮޅު އަންހެން ކީޕަރަކަށް ހޮވުނީ މިދިޔަ އަހަރު ވެސް މި އެވޯޑް ހޯދި އިނގިރޭސި ގައުމީ ކީޕަރު މޭރީ އާޕްސް އެވެ. ފީފާ ޑްރީމް ޓީމުގައި ވެސް ހިމެނުނު އާޕްސް އަކީ މިދިޔަ އަހަރުގެ ވޯލްޑްކަޕްގެ ވެސް އެންމެ މޮޅު ކީޕަރެވެ. އެވޯޑް ލިބުމަށްފަހު އޭނާ ބުނީ މިދިޔަ އަހަރު ވެސް މޮޅު ކީޕަރުގެ އެވޯޑް ލިބުނުއިރު ޑްރީމް ޓީމުން ފުރުސަތު ނުލިބުމުން މި ފަހަރު އުއްމީދުކުރީ ޑްރީމް ޓީމުގައި ހިމެނުމުން މޮޅު ކީޕަރުގެ މަގާމު ނުލިބޭނެ ކަމަށް ކަމަށެވެ.

އޭނާ ބުނީ ވާދަކުރި ދެ ކީޕަރުންނަކީ މޮޅު ކީޕަރުން ކަމަށާއި އެއްވަނައިގައި ދެމިހުރުމަށް ގިނަ މަސައްކަތްތަކެއް ކުރަން ޖެހޭ ކަމަށެވެ. އާޕްސް އަށް ވަނީ މިދިޔަ އަހަރު ބީބީސީގެ އަންހެން ކުޅިވަރު ޝަހުސިއްޔަތުގެ އެވޯޑް ވެސް ލިބިފަ އެވެ.