ރައީސް އޮފީހުގެ ވެބްސައިޓް ހިމެނޭހެން ސަރުކާރުގެ ބައެއް ވެބްސައިޓްތައް ޑައުންވި މައްސަލަ ބަލަން ފަށައިފިއެވެ.
ވެބްސައިޓްތައް ޑައުންވީ ހޮނިހިރު ދުވަހުގެ ރޭގެ ވަގުތެއްގައެވެ. އެންމެ ފުރަތަމަ ޑައުންވިކަމަށް ފާހަގަކުރެވުނީ ރައީސް އޮފީސް ވެބްސައިޓެވެ. އަދި ފަހުން ފޮރިން މިނިސްޓްރީގެ ވެބްސައިޓަށް ވެސް ނުވަދެއެވެ. ދިމާވި މައްސަލަ ހައްލުކުރުމަށް ފަހު ފަހުން ރައީސް އޮފީހުގެ ވެބްސައިޓަށް ވަދެވޭ ގޮތް ވަނީ ހަދާފައެވެ.
އެންސީއައިޓީގެ ކަމާއި ގުޅުން ހުރި އިދާރާތަކުން ރައީސް އޮފީހުގެ ވެބްސްއިޓަށް ދިމާވި މައްސަލަ ބަލަމުންދާ ކަމަށް ރައީސް އޮފީހުން ފަހުން ވަނީ ބުނެފައެވެ.
ނަމަވެސް މި މައްސަލައާ މެދު ރައީސް އޮފީހުން އިތުރު ތަފްސީލެއް ހާމައެއް ނުކުރެެއެވެ.
ސަރުކާރުގެ ވެބްސައިޓްތަކެއް ޑައުންވީ ސައިބަރ އެޓޭކެއްގެ ސަބަބުން ކަަމަށް ވަނީ އަޑު ފެތުރިފައެވެ.
