ރައީސް އޮފީހުގެ ވެބްސައިޓް ޑައުންވެއްޖެއެވެ.
ރައީސް އޮފީހުގެ ވެބްސައިޓަށް ނުވަދެވޭ ސަބަބާއި މެދު ސަރުކާރުގެ ބަހެއް ވަނީ ލިބޭ ގޮތް ނުވެފައެވެ.
އެގޮތުން މިކަމާއި ގުޅޭ ގޮތުން ރައީސް އޮފީހުގެ ކޮމިއުނިކޭޝަން ސްޓްރެޓެޖިސްޓް މިނިސްޓަރު އިބްރާހިމް ހަލީލް އާއި ސުވާލު ކުރި ނަމަވެސް އަދި ޖަވާބެއް ލިބިފައެއް ނުވެއެވެ.
އަދި ރައީސް އޮފީހުގެ ވެބްސައިޓް ޑައުން ވުމާއި މެދު އެއްވެސް މައުލޫމާތެއް ސަރުކާރުގެ ރަސްމީ އެއްވެސް މީސްމީޑިއާގެ އެކައުންޓެއްގައި ވެސް އަދި ޕޯސްޓްކޮށްފައެއްނެތެވެ.
ދައުލަތުގެ އެހެން ބައެއް ވެބްސައިޓްތަކަށް ވެސް ނުވަދެވެއެވެ. މި ވެބްސައިޓްތަކަށް ނުވަދެވެނީ ސައިބަރ އެޓޭކްތަކެއްގެ ސަބަބުން ކަމަށް މީސްމީޑިއާގައި ވަނީ ޚަބަރު ފެތުރިފައެވެ. އެހެންނަމަވެސް އެކަމާއި މެދުވެސް ސަރުކާރުގެ ބަހެއް އަދި ނުލިބެއެވެ.
އަޕްޑޭޓް - އެންސީއައިޓީގެ ކަމާއި ގުޅުން ހުރި އިދާރާތަކުން ރައިސް އޮފީހުގެ ވެބްސްއިޓަށް ދިމާވި މައްސަލަ ބަލަމުންދާ ކަމަށް ރައީސް އޮފީހުން ފަހުން ވަނީ ބުނެފައެވެ.
