ބްރެޒިލްގެ ގައުމީ ފުޓްބޯޅަ ޓީމުގެ ކޯޗަކަށްވުމަށް ތަޖުރިބާކާރު ކޯޗު ހޯސޭ މޮރީނިއޯ އަށް ހުށަހަޅައިފި އެވެ.
މިކަމާ ބެހޭ ގޮތުން ވާހަކަ ދައްކަމުން މޮރީނިއޯ ވެސް ވަނީ އެކަން ކަށަވަރުކޮށްދީފަ އެވެ. އޭނާ މިވަގުތު ހުރީ އިޓަލީގެ ރޯމާގެ ކޯޗުކަމުގަ އެވެ. ކޮންްޓެރްކްޓް ހަމަވާނީ މި ސީޒަނުގެ ނިޔަލަށެވެ.
ބްރެޒިލްއިން ސީދާ އަހަންނާ ވާހަކަ ދެއްކި. އަހަރެން މިހާރު އަހަރެންގެ އެޖެންޓް ގާތުގައި ބުނެފިން އަހަރެންގެ ކުރިމަގާމެދު ރޯމާއިން ގޮތެއް ނުނިންމަނީސް އެއްވެސް ބަޔަކާ ވާހަކަ ނުދައްކަން. ކުލަބުގެ ޗެއާމަނާމެދު އަހަރެންގެ އިތުބާރު އެބައޮތް. ރޯމާއިން އަހަރެން ބޭނުންނުވީމަ ނޫނީ އެހެން ބަޔަކަށް ނުދާނަންމޮރީނިއޯ
މި ސީޒަނުގެ ނިޔަލަށް ރޯމާއާއެކު މޮރީނިއޯ ހަދާފައިވާ ކޮންޓްރެކްޓް ހަމަވާނެ އެވެ. ނަމަވެސް އޭނާ އުއްމީދުކުރަނީ ރޯމާއިން ކޮންޓްރެކްޓް އާކުރާނަމަ އެކުލަބުގައި މަޑުކުރުމަށެވެ.
މެންޗެސްޓާ ޔުނައިޓެޑާއި އިންޓަމިލާން އަދި ޗެލްސީ އާއި ރެއާލް މެޑްރިޑަށް ވެސް ކޯޗުކޮށްދީފައިވާ މޮރީނިއޯ އަކީ ޔޫރަޕުގެ އެންމެ ކާމިޔާބު އެއް ކޯޗެވެ.
ބްރެޒިލްއިން ދަނީ 2022ގެ ވޯލްޑްކަޕަށް ފަހު ޓީމަށް ދާއިމީ ކޯޗަކު ނުހޯދިގެންނެވެ. އެ ގައުމުން މަސައްކަތް ކުރީ ރެއާލް މެޑްރިޑްގެ ކޯޗު ކާލޯ އެންޗެލޯޓީ ގެނައުމަށެވެ. ނަމަވެސް އޭނާ މހާރު ވަނީ ރެއާލްގެ ކޮންޓްރެކްޓް 2026ގެ ނިޔަލަށް އައުކޮށްފަ އެވެ. އޭގެ ފަހުން ބްރެޒިލްގެ ކުރީގެ ކޯޗުކަން ކުރީގެ ކޯޗު ލުއިސް ފިލިޕޭ ސްކޮލާރީއަށް ވެސް ކޯޗުކަން ވަނީ ހުށަހަޅައިފަ އެވެ.
ބްރެޒިލް އެންމެ ފަހުން ވޯލްޑްކަޕް ކާމިޔާބުކުރީ 2002ގައި ސްކޮލާރީގެ ކޯޗުކަމުގަ އެވެ. އަދި އެންމެ ފަހުގެ ދެ ވޯލްޑްކަޕުން ކެޓީ ކުއާާޓާ ފައިނަލުންނެވެ.
