އައިލެންޑް އޭވިއޭޝަންގެ ޑެޕިއުޓީ މެނޭޖިންގ ޑިރެކްޓަރުކަމުން ޖެނިފާ ވަކިކޮށްފި
3 ޖެނުއަރީ 2024 | ބުދަ 02:27އޭނާ އެ ކުންފުނިން ވަކިކުރިއިރު، ޖެނިފާ ވަނީ އެ ކުންފުންޏަށް 25 އަހަރު ޚިދުމަތްކުރައްވާފައި
އައިލެންޑް އޭވިއޭޝަން ސާވިސަސްގެ ޑެޕިއުޓީ މެނޭޖިން ޑިރެކްޓަރުކަމުގައި ހުންނެވި އައިޝަތު ޖެނިފާ
ގައުމީ އެއާލައިން، މޯލްޑިވިއަން ހިންގާ އައިލެންޑް އޭވިއޭޝަން ސާވިސަސްގެ ޑެޕިއުޓީ މެނޭޖިންގ ޑިރެކްޓަރުކަމުގެ މަގާމުން އައިޝަތު ޖެނިފާ ވަކިކޮށްފިއެވެ.
އެކަން އަންގާ މޯލްޑިވިއަން އިން ބުދަ ދުވަހު ސޯޝަލް މީޑިޔާގައި ކުރި ޕޯސްޓެއްގައި ބުނީ ޖެނިފާ އެ ކުންފުންޏަށް ކޮށްދިން ޚިދުމަތްތަކަށް ޝުކުރު އަދާކުރާ ކަމަށެވެ.
ރާއްޖެއެމްވީއަށް އެނގިފައިވާގޮތުން، ޖެނިފާ އެ މަގާމުން ވަކިކޮށްފައިވަނީ ސަބަބެއް ބަޔާންނުކޮށެވެ. އެހެން ނަމަވެސް އޭނާ ވަކިކުރިއިރު، ޖެނިފާ ވަނީ އެ ކުންފުންޏަށް 25 އަހަރު ޚިދުމަތްކުރައްވާފައެވެ.
ޖެނިފާ އެ މަގާމަށް އައްޔަނުކުރައްވައިފައިވަނީ 2018 ވަނަ އަހަރުގެ ޑިސެމްބަރު މަހުގެ ތެރޭގައިއެވެ. އޭގެ ކުރިން އޭނާ ހުންނެވީ މޯލްޑިވިއަންގެ ކާގޯ ޑިޕާޓްމެންޓުގެ ޑެޕިއުޓީ ހެޑުގެ މަގާމުގައެވެ.
