ފަލަސްތީނާ ދެކޮޅަށް އިސްރާއީލުން ހިންގާ ހަނގުރާމައިގެ ޖަރީމާތަކުގައި ބައިޑަން ވަރަށް ފުރިހަމައަށް ބައިވެރިވާ ކަމަށް އެމެރިކާގެ އިސްލާމިކް ކައުންސިލުން ބުނެފިއެވެ.
އެ ކައުންސިލުން ރައީސް ބައިޑެންއަށް ފާޑުކިޔާފައިވަނީ ޣައްޒާއާއި ހިފާފައިވާ ހުޅަނގު އައްސޭރީގެ އެކި ސަރަހައްދުތަކުގައި އާންމުންނަށް އަމާޒުކޮށް އިސްރާއީލުން ހިންގަމުންދާ ޙަމަލާތަކަށް ވާގިވެރިވެ އެމެރިކާއިން ގެންގުޅޭ ވިސްނުމާމެދު ކައުންސިލް އޮން އެމެރިކަން-އިސްލާމިކް ރިލޭޝަންސް (ސީ.އޭ.އައި.އާރް) އިން ކަންބޮޑުވުން ފާޅުކޮށް ނެރެފައިވާ ބަޔާނެއްގައެވެ.
އިސްރާއީލުން ފަލަސްތީނާ ދެކޮޅަށް ހިންގާ ހަނގުރާމައިގެ ޖަރީމާތަކުގައި އެމެރިކާގެ ރައީސް ޖޯ ބައިޑެން ބައިވެރިވާ ކަމަށް ތުހުމަތުކޮށް އެ ކައުންސިލުން ނެރުނު ބަޔާނުގައި ވަނީ ރައީސް ބައިޑެންއަށާއި އެމެރިކާގެ ސަރުކާރަށް ވަރަށް ބޮޑަށް ފާޑުކިޔައި ކަންބޮޑުވުން ފާޅުކޮށްފައެވެ.
މިހާރު ފެންނަނީ ރައީސް ބައިޑަން އެމެރިކާގެ ރައްޔިތުންނަށް އިހުމާލުވެ، ބެންޖަމިން ނަތަންޔާހޫ ޣައްޒާގައި މީހުން މެރުމާއި ނަސްލު ނައްތާލުމާއި ބަނޑުހައިހޫނުކަމުގެ ކެމްޕެއިނަށް މަގުފަހިކޮށްދިނުމުގެ ވިސްނުން ގެންގުޅުއްވާ ތަންސީއޭއައިއާރުގެ ނޭޝަނަލް ޑެޕިއުޓީ ޑިރެކްޓަރު އެޑްވާޑް އަހުމަދު މިޝެލް
ޣައްޒާއަށް ދިން ބޮމުގެ ހަމަލާތަކާއި ބެހޭގޮތުން ބައިޑެން ދެއްކެވި ވާހަކަފުޅުތަކުގެ ހަނދާން އައުކުރައްވަމުން އަހްމަދު މިޝެލް ވިދާޅުވީ، "މި ހަމަނުޖެހުންތައް ނިމުމަކަށް ގެނައުމަށާއި އިންސާފުވެރި، ދެމެހެއްޓެނިވި ސުލްހައެއް ހޯދުމަށް ތާއީދުކުރާ އެމެރިކާގެ ގިނަ ބައެއްގެ ވާހަކަ އެމެރިކާގެ ރައީސް އަޑުއަހަން ޖެހޭ" ކަމަށެވެ.
މިއީ ބައިޑެންގެ ވިސްނުމަށް ސީއޭއައިއާރުން ފާޑުކިޔާ ފުރަތަމަ ފަހަރެއް ނޫނެވެ. ޣައްޒާގެ ސްކޫލެއްގައި ހިމާޔަތް ހޯދަމުން އަންނަ އަންހެނުންނާއި ކުޑަކުދިންނާއި ތުއްތު ކުދިންނަށް އިސްރާއީލުން މަރުގެ އަދަބު ދިން މައްސަލަ ބެލުމަށް ގާހިރާއިން ވަނީ މިމަހުގެ ކުރީކޮޅު އެމެރިކާގެ ސަރުކާރަށް ގޮވާލާފައެވެ.
"ޣައްޒާގައި ނަސްލު ނައްތާލުމަށް އިސްރާއީލު ސަރުކާރުން ހިންގާ ހަރުކަށި ފިކުރުގެ ކެމްޕޭން ދިފާއުކޮށް، އެކަމަށް މަގުފަހިކޮށްދިނުމުގައި ބައިޑެންގެ ސަރުކާރުން ދެމުންދާ އެއްބާރު ލުމުގެ ސަބަބުން ސަރުކާރުގެ އޮފިޝަލުން ޖަވާބުދާރީވާން ޖެހޭނެ،" ކައުންސިލްގެ ނޭޝަނަލް ކޮމިއުނިކޭޝަން ޑިރެކްޓަރު އިބްރާހިމް ހޫޕާ ވިދާޅުވިއެވެ.
އަދި އިންތިޚާބުގެ ކެމްޕޭނުގައި ބައިޑެންއާ ދެކޮޅަށް ތެދުވާނެ ކަމަށް ވެސް ސީއޭއައިއާރުން ވަނީ ވައުދުވެފައެވެ.
"އަޅުގަނޑުމެން ސީދާ އެމަނިކުފާނަށް ދެންނެވިން، އަޅުގަނޑުމެންގެ އަމިއްލަ ހައިސިއްޔަތުން، ވަގުތުން ހަނގުރާމަ ހުއްޓާލުމަށް ގޮވާނުލައިފިނަމަ، 2024 ވަނަ އަހަރު އަޅުގަނޑުމެންގެ ވޯޓު ނުލިބޭނެ ކަމަށް،" ކައުންސިލްގެ ވެރިޔާ ނިހާދު އަވާދު މިދިޔަ ނޮވެމްބަރު މަހު އަނަޑޯލު އެޖެންސީއަށް ވިދާޅުވި އެވެ.
އޭނާ ވިދާޅުވީ ބައިޑެންގެ މި ސްޓޭންޑާ އެއްގޮތަށް މުޖުތަމައުން އެއްވެސް އެއްބާރުލުމެއް ދިނުމުގެ ފުރުސަތެއް ނެތް ކަމަށެވެ.
މިދިޔަ އޮކްޓޯބަރު މަހުގެ ހަތްވަނަ ދުވަހުން ފެށިގެން މިހާތަނަށް 22،000 އަށްވުރެ ގިނަމީހުން މަރާލާފައިވާ ޣައްޒާ އާއި ހިފާފައިވާ ހުޅަނގު އައްސޭރީގައި ފަލަސްތީނުގެ ރައްޔިތުންނާ ދެކޮޅަށް އިސްރާއީލު ސިފައިން ދަނީ ހަމަލާތައް ވަރުގަދަ ކުރަމުންނެވެ.
އިސްރާއީލު ސިފައިންގެ ބައިވެރިވުން އޮތަސް، އެމެރިކާއިން ދަނީ ސަލާމަތީ މަޖިލީހުގައި އިސްރާއީލުގެ ބާރުގެ ބޭނުން ހިފައި، ވީޓޯގެ ބާރުގެ ބޭނުންކޮށްގެން ހަނގުރާމަ ހުއްޓާލުމަށް ގޮވާލާ ކޮންމެ ގަރާރެއް ވެސް ހުއްޓުވުމަށް މަސައްކަތް ކުރަމުންނެވެ.
