ޓޮޓްނަމް އާ އަހަރު ނިންމާލީ ފުރިހަމަ މޮޅަކުން
31 ޑިސެމްބަރު 2023 | އާދީއްތަ 17:48އަހަރު ނިމުނުއިރު ޓޮޓްނަމް އޮތީ ފަސްވަނާގައި
މެޗަށްފަހު ޓޮޓްނަމްގެ ކެޕްޓަން، ސޮން
އިނގިރޭސި ޕްރިމިއަރ ލީގުގައި ހޯދި ފުރިހަމަ މޮޅަކުން ޓޮޓްނަމުން އަހަރު ނިންމާލައިފިއެވެ.
މިއަހަރު ޓޮޓްނަމް ކުޅުނު ފަހު މެޗުގައި ބޯންމައުތު ބަލިކުރީ 3-1ންނެވެ. މެޗު ފަށައިގެން ނުވަވަނަ މިނިޓުގައި ލީޑް ނަގައިދިނީ ޕޭޕް ސާރއެވެ. 71 ވަނަ މިނިޓްގައި ދެވަނަ ލަނޑު ޖެހީ ކެޕްޓަން ސޮންއެވެ. ޓޮޓްނަމްގެ ފުރަތަމަ ދެ ލަނޑު ޖަހަންވެސް ފުރުސަތު ތަނަވަސްކޮށްދިނީ ލޮ ސެލްސޯއެވެ. ޓޮޓްނަމްގެ ތިންވަނަ ލަނޑު ޖެހީ 80 ވަނަ މިނިޓްގައި ރިޗާލިސަންއެވެ. ޓޮޓްނަމުން ތިން ލަނޑުގެ ލީޑެއް ނެގިފަހުން ބޯންމައުތުން ސުން ކަނޑުވާލީ 84 ވަނަ މިނިޓުގައި ސްކޮޓް ލަނޑު ޖަހައިގެންނެވެ.
ޓޮޓްނަމުން އަހަރު ނިންމާލީ ތާވަލުގެ ފަސްވަނާގައެވެ. އެއްވަނާގައި އޮތް ލިވަޕޫލާ ދެމެދު އޮތީ މެޗެއްގެ ފަރަގެވެ. އެއީ ތިން ޕޮއިންޓެވެ. ހަތަރުވަނާގައި އޮތް ސިޓީއާ ދެމެެދު އޮތީ ޕޮއިންޓެއްގެ ފަރަގެކެވެ.
