ބްރައިޓަން އަތުން ބަލިވެ، ޓޮޓްނަމް އަށް ފުރުސަތުގެ ބޭނުމެއް ނުކުރެވުނު

މެޗުން މޮޅުވެގެން ގަދަ ހަތަރެއްގެ ތެރެއަށް ވަންނަން ފުރުޞަތު އޮތް މެޗުގައި ބްރައިޓަން އަތުން ޓޮތްނަމް ބަލިވެއްޖެ އެވެ.

ބްރައިޓަން ބަލިކޮށްގެން, ތާވަލްގެ ހަތަރު ވަނައަށް ޖެހިލަން ލިބުނު ފުރުޞަތު ޓޮޓްނަމް އަށް ގެއްލުނީ 4-2 ން ބަލިވެގެންނެވެ. މެޗުގައި ޓޮޓްނަމް އަށް ދެ ލަނޑުވެސް ޖެހުނީ ބްރައިޓަން އިން ހަތަރު ލަނޑު ޖެހި ފަހުންނެވެ. ޓޮޓްނަމް އިން ދެ ލަނޑު ޖެހީ ހަތަރު މިނިޓް ތެރޭގައެވެ. އެއީ 81 ވަނަ މިނިޓްގައި ވެލިޒް އަދި 85 ވަނަ މިނިޓްގައި ޑޭވިސް އެވެ. ބްރައިޓަން އިން ކޮންމެ ހާފެއްގައި ދެ ލަނޑު ޖެހިއެވެ. ފުރަތަމަ ލަނޑު ޖަހާ ކުރިހޯދައިދިނީ ހިންޝެލްވޫޑް އެވެ. ޕެނަލްޓީ އަކުން ދެވަނަ ލަނޑު ޖެހީ ޕެޑްރޯ އެވެ. ބްރައިޓަންގެ ފަހު ލަނޑު ދެވަނަ ހާފްގައ ޕެޑްރޯ ޖެހީވެސް ޕެނަލްޓީ އަކުންނެވެ. ތިންވަނަ ލަނޑު ޖެހީ އެސްޓުޕިނާ އެވެ.

މިމޮޅާއެކު ބްރައިޓަން ވަނީ 30 ޕޮއިންޓާއެކު އަށް ވަނާގައެވެ. ޓޮޓްނަމް އޮތީ 36 ޕޮއިންޓާއެކު ފަސް ވަނާގައެވެ. ހަތަރު ވަނާގައި ސިޓީ އޮތީ ޓޮޓްނަމް އަށްވުރެ މަދުން މެޗެއް ކުޅެ, 36 ޕޮއިންޓާއެކު އެވެ.