ފަހު މިނިޓްގެ ޕެނަލްޓީން، ކްރިސްޓަލް ޕެލަސް އަތުން ޗެލްސީ އަށް މޮޅެއް

މެޗުގެ ފަހު މިނިޓްގައި ލިބުނު ޕެނަލްޓީ ކާމިޔާބުކޮށްގެން, ކްރިސްޓަލް ޕެލަސް އަތުން ޗެލްސީ މޮޅުވެއްޖެއެވެ.

އިނގިރޭސި ޕްރިމިއަރ ލީގުގައި ކްރިސްޓަލް ޕެލަސްގެ މައްޗަށް ޗެލްސީން ކުރިހޯދީ 2-1 ނެވެ. އަމިއްލަ ދަނޑުގައި ކުޅުނު މެޗުގެ 13 ވަނަ މިނިޓްގައި މުޑްރީކް ލަނޑު ޖަހާ ޗެލްސީ އަށް ކުރި ހޯދައިދިނެވެ. އެކަމަކު ފުރަތަމަ ހާފްގެ އިތުރު ވަގުތުގައި އެލީޑް ގެއްލުނެވެ. އެއީ އޮލައިސް ލަނޑު ޖަހާ ކްރިސްޓަލް ޕެލަސް އަށް ނަތީޖާ ހަމަހަމަ ކޮށްދިނުމުންނެވެ. އެއްވަރުވާން ދިޔަ މެޗުން ޗެލްސީ އަށް ތިން ޕޮއިންޓް ލިބުނީ އޭރިޔާ ތެރެއިން ކުރި ފައުލަކަށް ދިން ޕެނަލްޓީ އަކުންނެވެ. ޕެނަލްޓީ ކާމިޔާބުކޮށް, ތާވަލްގެ މެދަށް ޗެލްސީ ގެންގޮސްދިނީ މޮޑްރިކް އެވެ. އޭގެކުރިން 77 ވަނަ މިނިޓްގައި ނިކޮލަސް ޖެކްސަން ލަނޑެއް ޖެހިނަމަވެސް ވީއޭއާރުން ބެލުމަށްފަހު ނިންމީ އޮފްސައިޑް ކަމަށވެ.

ޗެލްސީ ލީގު ތާވަލްގެ 10 ވަނާގައި އޮތީ 19 މެޗުން 25 ޕޮއިންޓާ އެކުއެވެ. އެވަޓަން އޮތީ 17 ވަނާގައެވެ. ރެލިގޭޝަނާ ދެމެދު އޮތީ ޕޮއިންޓެއްގެ ފަރަގެކެވެ.