ރާއްޖެޓީވީގެ މިއަހަރުގެ އެންމެ ރަނގަޅު މުވައްޒަފަކަށް ނަޖާހް، އުއްމީދީ މުވައްޒަފަކަށް އަލާއު
21 ޑިސެމްބަރު 2023 | ބުރާސްފަތި 01:20މި އެވޯޑު ހަފްލާ ޝަރަފުވެރިކޮށްދެއްވީ އެމްޓީސީސީގެ ކުރީގެ ސީއީއޯ އަދި މާލެ ސިޓީ ކައުންސިލުގެ މޭޔަރު ކެންޑިޑޭޓް، އާދަމް އާޒިމް
ރާއްޖެޓީވީގެ 2023 ވަނަ އަހަރު ސްޓާފް އޮފް ދި އިޔަރ އަށް ހޮވުނު އަހުމަދު ނަޖާހު
ރާއްޖެ ޓީވީގެ އަހަރީ ދުވަހާ ގުޅުވައިގެން، މުވައްޒަފުންގެ އަގުވަޒަން ކުރުމުގެ ގޮތުން އެކި ގޮތްގޮތުން ފާހަގަކުރެވުނު މުވައްޒަފުންނަށް އިނާމު ދިނުމަށް "ރާއްޖެ ޓީވީ ސްޓާފް އެވޯޑް 2023" ބާއްވައިފިއެވެ.
ބުދަ ދުވަހުގެ ރޭ ބޭއްވި މި އެވޯޑު ހަފްލާ ޝަރަފުވެރިކޮށްދެއްވީ އެމްޓީސީސީގެ ކުރީގެ ސީއީއޯ އަދި މާލެ ސިޓީ ކައުންސިލުގެ މޭޔަރު ކެންޑިޑޭޓް، އާދަމް އާޒިމް އެވެ. މި ރަސްމިއްޔާތުގައި ރާއްޖެ ޓީވީގެ އިސްބޭފުޅުންގެ އިތުރުން، މި އަހަރުގެ ރާއްޖެ ޓީވީ ސްޓާފް އެވޯޑްގައި ފަނޑިޔާރުކަން ކުރެއްވި ބޭފުޅުން ބައިވެރިވެވަޑައިގެންނެވި އެވެ.
މި އެވޯޑު ހަފުލާގެ އެންމެ ޚާއްސަ އެއް އެވޯޑުކަމުގައިވާ މި އަހަރުގެ ރާއްޖެ ޓީވީގެ އެންމެ އުއްމީދީ މުވައްޒަފުގެ އެވޯޑު ހާސިލުކުރީ އޮންއެއާ އޮޕަރޭޓަރު މުޙައްމަދު އަލާއު އެވެ. އަދި މި ޙަފުލާގައި ދެވޭ އެންމެ ޝަރަފުވެރި އެވޯޑުކަމަށްވާ "ރާއްޖެ ޓީވީ ސްޓާފް އޮފް ދަ އިޔާ" ނުވަތަ އަހަރުގެ އެންމެ ރަނގަޅު މުވައްޒަފުގެ މަގާމު ހޯދާފައިވަނީ އެސިސްޓެންޓް އައިޓީ އޮފިސަރު ނަޖާޙް އަހްމަދު އެވެ.
ސްޓާފް އޮފް ދަ އިޔާއަށް ރާއްޖެޓީވީގެ ފަރާތުން ވަނީ 30،000 ރުފިޔާގެ ފައިސާގެ އިނާމާއެކު ބެޑް ރޫމް ސެޓެއް ވެސް ދީފަ އެވެ.
މި އެވޯޑުތަކުގެ އިތުރުން ވެސް، އިތުރު 17 މަގާމަކުން އެކި މުވައްޒަފުން ވަނީ އެވޯޑް ޙާސިލްކޮށްފަ އެވެ. އެ އެވޯޑުތައް ލިބުނު މުވައްޒަފުންގެ ތެރޭގައި ހިމެނެނީ:
ރާއްޖެ ޓީވީން ކޮންމެ އަހަރަކު ވެސް ދެމުން އަންނަ ސްޓާފް އެވޯޑަކީ ރާއްޖެ ޓީވީގެ އަހަރީ ދުވަހާ ގުޅުވައިގެން ދޭ އެވޯޑެކެވެ. އެގޮތުން މި އަހަރު ރާއްޖެޓީވީ އަށް 13 އަހަރު ފުރިފައިވާއިރު، ކޮންމެ އަހަރެއްގެ ވެސް އަހަރީ ދުވަހާ ގުޅުވައިގެން މުވައްޒަފުންގެ އަގުވަޒަންކުރުމުގެ ގޮތުން އެވޯޑު ހަފްލާ ބާއްވައެވެ.
