ޖޯޑްން އިން ޣައްޒާއަށް އެހީ ހިފައިގެން ދިޔަ ފުރަތަމަ ގާފިލާ ޣައްޒާއަށް ފޯރައިފި

ޖޯޑްން އިން ޣައްޒާއަށް އެހީ ހިފައިގެން ދިޔަ ފުރަތަމަ ގާފިލާ ޣައްޒާއަށް ފޯރައިފިކަމަށް ޚަބަރު ލިބެއެވެ. 46 ޓްރަކްގެ މައްޗަށް އެކުލެވޭ އެހީގެ ޤާފިލާ އަކީ އދގެ ވަރލްޑް ފުޑް ޕްރޮގްރާމާއި ޖޯޑްންގެ ހާޝެމައިޓް ޗެރިޓީ އޯގަނައިޒޭޝަން ގުޅިގެން އިންތިޒާމް ކުރި އެހީގެ ޤާފިލާއެކެވެ. މި ޤާފިލާ ދަތުރު ކޮށްފައިވަނީ އިޒްރާއިލާއި ޣައްޒާއާ އާ ދެމެދުގައިވާ ކްރޮސިންގ އެއްގެ ތެރޭންނެވެ. މީގެ ކުރިން އެހީގެ ޤާފިލާތައް ވައްދާފައިވަނީ ހަމައެކަނި މިސްރުގެ ތެރޭންލާފައެވެ.

އދގެ ވަރލްޑް ފުޑް ޕްރޮގްރާމް އިން ބުނާގޮތުގައި ޢައްޒާގެ އާބާދީގެ ދެބައިކުޅައެއްބައި ތިބީ ހައިހޫނު ކަމުގައެވެ. އަދި ވަނީ ހަމަލާތައް ވަގުތުން ހުއްޓާލާ ހުރިހާ ބޯޑަރ ކްރޮސިންގ ތައް ހުޅުވާލުމަށް ގޮވާލާފައެވެ.

އަނެއްކޮޅުން ޚަބަރުލިބޭ ގޮތުގައި ދެކުނު ޣައްޒާގެ ރަފަހް ސިޓީ އަށް އިޒްރާއިލުން ބުދަދުވަހު އަނެއްކާވެސް ވައިގެ ހަމަލާތަކެއް ދީފިއެވެ. އެސިޓީގެ އިމާރާތަކަށް ހަމަލާދިންވަގުތު އަލްޖަޒީރާއިން މަންޒަރުތައް ވަގުތުން ދުރަށް ފޮނުވާފައި ވެއެވެ.

އަންގާރަ ދުވަހުވެސް ރަފަހް ސިޓީ އަށް އިޒްރާއިލް ސިފައިން ވަނީ ހަމަ މިފަދަ ވައިގެ ހަމަލާއެއް ދީފައެވެ. މިހަމަލާގައި 20 މީހުން މަރުވެފައިވެއެވެ.

ރަފަހް ސިޓީ އަކީ ޣައްޒާ އާއި މިސްރުގުޅޭ އިމާކައިރީގައިވާ ސަރަހައްދެކެވެ. އަދި ހަގުރާމައިން ސަލާމަތް ވުމަށް އުތުރުގެ ސަރަހައްދު ތަކުން ދަތުރު ކުރި ގިނަ އަދަދެއްގެ ބަޔަކު ތިބީ ދެކުނުގެ ރަފަހު ސިޓީ އަށް ޖަމާވެފައެވެ.

މިއަދުގެ ހަމަލާތައް ދީފައިވަނީ ރަފްހް ގައި ހުންނަ ކުވޭތު ހޮސްޕިޓަލާ ވަރަށް ކައިރިޔަށް ކަމަށް ޚަބަރުތައް ބުނެއެވެ.

ހަމަލާތައް ހުއްޓާލުމާބެހޭ މަޝްވަރާތަކަށް ހަމާސްގެ ލީޑަރ އިސްމާއިލް ހަނިއްޔާ ހުންނެވީ މިސްރުގައެވެ.