އީސީގެ އޮންލައިން ޕޯޓަލްއަށް އީފާސް މެދުވެރިކޮށް އެކްސެސް ވެވޭނެ ގޮތް ހަަމަޖައްސައިފި
އިންތިޚާބުތަކުގެ ރީ-ރަޖިސްޓްރޭޝަނަށް ވެސް އީފާސް މެދުވެރިކޮށް ހުށަހެޅޭނެ
ރިޔާސީ އިންތިޚާބު 2023 ގެ ތެރެއިން
އީސީގެ އޮންލައިން ޕޯޓަލްއަށް އީފާސް މެދުވެރިވެ، ޚިދުމަތްތަކަށް އެކްސެސް ވެވޭނޭ ގޮތަށް ހަމަޖެއްސުމަށް އިލެކްޝަންސް ކޮމިޝަނުން ނިންމައިފިއެވެ.
މިކަމާއި ގުޅިގެން އިލެކްޝަންސް ކޮމިޝަންގެ ނައިބުރައީސް އިސްމާއިލް ހަބީބް ވިދާޅުވީ ޚިދުމަތްތަކަށް އެކްސެސް ވެވޭނޭ ގޮތަށް ހަމަޖެއްސުމަށް ކޮމިޝަނުން ނިންމުމާއި ގުޅިގެން އިންތިޚާބުތަކުގެ ރީ-ރަޖިސްޓްރޭޝަނާއި، ވޯޓުލާ މަރުކަޒުތަކުގެ އޮފިޝަލަކަށްވުން، ރަޖިސްޓަރީވެފައިވާ ވޯޓުފޮށި ޗެކް ކުރުން އަދި ރަޖިސްޓަރީ ވެފައިވާ ސިޔާސީ ޕާޓީ ޗެކް ކުރުން ފަދަ ޚިދުމަތްތައް ހިމެނޭ ކަމަށެވެ.
ސިޔާސީ ޕަޓީތަކުގެ މެންބަރުކަމަށް އީފާސް މެދުވެރިކޮށް ރަޖިސްޓްރީ ކުރެވޭނެ އިންތިޒާމް ހަމަޖެއްސުމަށް މަސައްކަތް ކުރައްވަމުންދާ ކަމަށް ވެސް ހަބީބު ވިދާޅުވިއެވެ.
