އަލް އަހްލީ ބަލިކޮށް، ފްލުމިނެންސޭ ފައިނަލަށް

ފީފާ ކުލަބު ވޯލްޑް ކަޕްގެ ސެމީ ފައިނަލްގެ ފުރަތަމަ މެޗުގައި ބްރެޒިލްގެ ފްލުމިނެންސޭއާ ދެކޮޅަށް ކުޅުނު މެޗުން މޮޅުވެ، މިސްރުގެ އަލް އަހްލީ މުބާރާތުގެ ފައިނަލްގެ ފުރަތަމަ ޖާގަ ހޯދައިފިއެވެ.

ހޯމަ ދުވަހުގެ ރޭ ސައުދީ އަރަބިއްޔާގެ ކިންގް ޢަބްދުﷲ ސްޕޯޓްސް ސިޓީގައި ކުޅުނު މެޗު ފްލުމިނެންސޭ އިން ކާމިޔާބު ކުރީ 2-0 އިންނެވެ. މެޗުގައި އެ ޓީމުން ދެ ލަނޑު ވެސް ޖެހީ ދެ ވަނަ ހާފުގައެވެ.

މެޗުގެ 71 ވަނަ މިނެޓުގައި އެ ޓީމުން ވަނީ ފުރަތަމަ ލަނޑު ޖަހައި ލީޑު ނަގައިފައެވެ. އެ ޓީމަށް ލިބުނު ޕެނަލްޓީއެއް ކާމިޔާބުކޮށް ލީޑު ނަގައިދިނީ ޖޯން އާރިއާސްއެވެ. އޭގެ ފަހުން އެ ޓީމުން އިތުރު ލަނޑު ޖެހުމަށް ފުރުސަތު ތަނަވަސް ކުރިއިރު، އަލް އަހްލީ އަށް ވަނީ ނަތީޖާ ހަމަހަމަކުރުމަށް ވެސް ފުރުސަތު ލިބިފައެވެ. ފްލުމިނެންސޭގެ ދެ ވަނަ ލަނޑު މެޗުގެ 90 ވަނަ މިނެޓުގައި ޖެހީ ޖޯން ކެނެޑީއެވެ. އޭނާ އެ ލަނޑު ޖަހަން ފުރުސަތު ތަނަވަސްކޮށްދިނީ މަތެއުސް މާޓިނެލީއެވެ. މި މެޗު ޚާއްސަ ވަނީ ފްލުމިނެންސޭ އަށް ކުޅެމުން އަންނަ ބްރެޒިލްގެ މާސެލޯއަށެވެ. މިއީ އޭނާ ކުލަބު ވޯލްޑް ކަޕްގެ ފައިނަލްގައި ކުޅޭނެ ފަސް ވަނަ ފަަހަރެވެ.

ފައިނަލްގައި ފްލުމިނެންސޭއާ ދެކޮޅަށް ނުކުންނާނެ ޓީމެއް ކަށަވަރު ވާނީ މެންޗެސްޓަރ ސިޓީ އާއި އުރަވާ ރެޑްސް ޑައިމަންޑްސް ވާދަކުރާ މެޗުންނެވެ.