މޭޖަރ ޖެނެރަލް ވައިޘް ވަޙީދު އާއި ޙާމިދު ޝަފީޤު ރިޓަޔަރކުރައްވައިފި

ދިވެހި ސިފައިންގެ ޚިދުމަތަށް ދިގު މުއްދަތަށް ޚިދުމަތްކުރެއްވުމަށްފަހު، މޭޖަރ ޖެނެރަލް ވައިޘް ވަޙީދުއާއި މޭޖަރ ޖެނެރަލް ޙާމިދު ޝަފީޤު ޚިދުމަތުން ރިޓަޔަރކުރައްވައިފިއެވެ.

މޭޖަރ ޖެނެރަލް ވައިޘް ވަޙީދު ވަނީ ސިފައިގެން ޚިދުމަތަށް 34 އަހަރަށްވުރެ ދިގު މުއްދަތަކަށް ޚިދުމަތް ކުރައްވާފައެވެ. ވައިޡް ވަޙީދު ސިފައިގެ ޚިދުމަތާއި ގުޅިވަޑައިގަތީ 19 ޖޫން 1989ގައެވެ. މަޤާމުން ރިޓަޔަރކުރެއްވި އިރު ހުންނެވީ، ކޮމަޑާންޓް އެމްއެންޑީއެފް މެރިން ކޯރ، އަދި ކޮލެޖު އޮފް ޑިފެންސް އެންޑް ސެކިއުރިޓީ ސްޓަޑީސްގެ ކޮމާންޑިން އޮފިސަރުކުގެ މަޤާމުގައެވެ.

މޭޖަރ ޖެނެރަލް ޙާމިދު ޝަފީޤް ސިފައިންގެ ޚިދުމަތާއި ގުޅިވަޑައިގަތީ 11 މަރޗް 1990ގައެވެ. ޙާމިދު ޝަފީޤު ރިޓަޔަރ ކުރެއްވިއިރު އަދާކުރައްވަމުންގެންދަވަނީ ކޮމަޑާންޓް އެމްއެންޑީއެފް ސަރވިސް ކޯރގެ މަޤާމެވެ. ޙާމިދު ޝަފީޤް ވަނީ 33 އަހަރަށްވުރެ ދިގު މުއްދަތަކަށް ސިފައިންގެއަށް ޚިދުމަތް ކުރައްވާފައެވެ.