ރެލިގޭޓްވުމުން ސަންޓޯސްއިން ޕެލޭގެ 10 ނަންބަރު ސަސްޕެންޑްކޮށްފި
ސަންޓޯސް ވަނީ ރެލިގޭޓްވެފައި
ޕެލޭގެ ކުރެހުމެއްގެ ކައިރިން ސަންޓޯސްގެ ސަޕޯޓަރަކު ދަނީ
ބްރެޒިލްގެ ޒަމާންވީ އަދި މަޝްހޫރު ކުލަބު ސަންޓޯސް ދެ ވަނަ ޑިވިޝަނުގައި އޮތްހާ ހިނދަކު އެއްވެއް ކުޅުންތެރިއަކު އެ ކުލަބުގެ 10 ނަންބަރު ޖާޒީ ނުލާ ގޮތަށް ކުލަބުން ހަމަޖައްސައިފި އެވެ.
މި ގޮތަށް ހަމަޖެއްސީ ކުލަބުގެ އައު ރައީސް މާސެލޯ ޓެޒެއިރާ އެވެ.
ސަންޓޯސް ރެލިގޭޓްވީ މި ހަފުތާގަ އެވެ. މިއީ އެކުލަބުގެ 111 އަހަރުގެ ތާރީހުގައި ރެލިގޭޓްވި ފުރަތަމަ ފަހަރެވެ. މިހެންވެ ޓެޒެއިރާ ބުނީ ކުލަބާއި ބްރެޒިލް އަދި ދުނިޔޭގެ ފުޓްބޯޅައިގެ އެންމެ ކާމިޔާބު ކުޅުންތެރިޔާގެ ޝަރަފުގައި 10 ނަންބަރު ބޭނުން ނުކުރަން ނިންމީ ކަމަށެވެ.
ތިން ފަހަރު ވޯލްޑްކަޕް ކާމިޔާބުކުރި ހަމައެކަނި ކުޅުންތެރިޔާ ޕެލޭ މަރުވީ އުމުރުން 80 އަހަރުގައި މި އަހަރުއެވެ. ޓެޒެއިރާ ބުނީ ޕެލޭ ދުނިޔޭގައި ނެތްއިރު ސަންޓޯސް އޮތީ އަލުންބަލުން އެކުލަވާލުމުގެ މަރުހަލާގައި ކަމަށެވެ. ކުލަބު އޮތީ އިދާރީ ގޮތުންނާއި މާލީ ގޮތުންނާއި އެނޫން ގޮތްގޮތުން ވެސް ދެރަވަރުކޮށް ކަމަށެވެ.
އޭނާ ބުނީ ކުލަބުގެ ސިޔާސީ ވިސްނުމަށް ބަލާއިރު މި ވަގުތު އެއީ ބައިބައިވެފައި އޮތް ޓީމެއް ކަމަށާއި އޭނާގެ އަމާޒަކީ ހުރިހާ ވިސްނުމެއް އެއްކޮށް ކުލަބު ހަރުދަނާ ކުރުން ކަމަށެވެ.
