މެކްޓޮމިނޭގެ ދެ ލަނޑުން، ޗެލްސީ އަތުން މެންޗެސްޓަރ ޔުނައިޓެޑަށް މޮޅެއް
7 ޑިސެމްބަރު 2023 | ބުރާސްފަތި 01:59މެޗު ޔުނައިޓެޑް ކާމިޔާބުކުރީ 2-1 ން
މެޗުގައި ދެ ލަނޑު ޖެހި މެކްޓޮމިނޭ
މެކްޓޮމިނޭގެ ދެ ލަނޑުން, މެންޗެސްޓަރ ޔުނައިޓެޑުން ޗެލްސީ ބަލިކޮށްފިއެވެ.
އަމިއްލަ ދަނޑުގައި ޔުނައިޓެޑް މެޗު ކާމިޔާބުކުރީ 2-1 ނެވެ. މެޗުގައި ޔުނައިޓެޑްގެ ދެ ލަނޑު ދެ ހާފްގައި ޖެހީ ސްކޮޓްލެންޑްގެ މެކްޓޮމިނޭ އެވެ. މިއީ މިސީޒަންގައި އެއް މެޗެއްގައި ޔުނައިޓެޑްގެ ދަނޑުގައި މެކްޓޮމިނޭ ދެ ލަނޑު ޖެހި ދެވަނަ މެޗެވެ. އެކަމަކު ކެރިއަރުގައި އަދި ހެޓްރިކެއް ނުހެދެއެވެ. މެޗުގައި ދެ ލަނޑު ޖަހަންވެސް ފުރުޞަތު ތަނަވަސްކޮށްދިނީ ޒުވާން ގާނާޗޯ އެވެ. ޗެލްސީގެ ހަމައެކަނި ލަނޑު ފުރަތަމަ ހާފްގެ ފަހު މިނިޓްގައި ޖެހީ ކޯލް ޕަލްމާ އެވެ. މިމޮޅަކީ ޔުނައިޓެޑްގެ ކޯޗު އެރިކް ޓެން ހާގަށް އޮތް ޕްރެޝަރަށް ލިބުނު ލުޔެކެވެ.
މޮޅާއެކު މެންޗެސްޓަރ ޔުނައިޓެޑް މިހާރު އޮތީ 27 ޕޮއިންޓާއެކު ހަވަނާގައެވެ. ހަތަރު ވަނާގައި އޮތް މެންޗެސްޓަރ ސިޓީއާ ދެމެދު އޮތީ ތިން ޕޮއިންޓްގެ ފަރަގެކެވެ.
