ކުރީ ސަރުކާރުން ބައެއް މުއައްސަސާތަކަށް އަދި ޤައުމުތަކުގެ ސަފީރުން އައްޔަންކުރަންކުރަން ފޮނުވި ނަންތައް އަނބުރާ ގެންގޮސްފިއެވެ.
އެ ނަންތައް އަނބުރާ ގެންދެވީ މި މަހުގެ 22 ވަނަ ދުވަހު ޑރ.މުހައްމަދު މުއިއްޒު ފޮނުއްވި ސިޓީ ފުޅަކާއި އެކުގައެވެ.
މި ކަން ހާމަކުރެއްވީ ހޯމަ ދުވަހުގެ ޖަލްސާގައި މަޖިލީހުގެ ރައީސް މުހައްމަދު އަސްލަމްއެވެ. އަސްލަމް ވިދާޅުވި ކުރިގެ ރައީސް އިބްރާހީމް މުހައްމަދު ޞާލިހު ބްރޯޑްކާސްޓިންގ ކޮމިޝަން (ބްރޯޑްކޮމް) އާއި ހިއުމަން ރައިޓްސް ކޮމިޝަން އޮފް މޯލްޑިވްސް (އެޗްއާރްސީއެމް) އަށް އައްޔަން ކުރަން ފޮނުއްވާފައިވާ ނަންތައް މި ސަރުކާރުން އަނބުރާ ގެންދަވާފައިވާ ކަމަށެވެ. އަދި ހަތަރު ޤައުމަކަށް ސަފީރުން އައްޔަންކުރަން ފޮނުއްވާފައިވާ ނަންތައް ވެސް އަނބުރާ ގެންގޮސްފައިވާ ކަމަށް އަސްލަމް ވިދާޅުވިއެވެ.
އޭގެ ތެރޭގައި ހިމެނެނީ ޕީޕަލްސް ރިޕަބްލިކް އޮފް ޗައިނާ އަށް ކަނޑައެޅި ސަފީރު ހުދާ އަލީ ޝަރީފް އާއި ޔުނައިޓަޑް އަރަބް އެމިރޭޓްސް (ޔޫއޭއީ)ގެ ސަފީރުކަމަށް ކަނޑައަޅަން ފޮނުއްވި މިދްފާ ނައީމާއި، ޕާކިސްތާން ސަފީރަކަށް އައްޔަންކުރަން ފޮނުއްވާފައިވާ ސެލީނާ ހަދީޖާ ނަޖީހު އަދި ބަންގްލަދޭޝް އަށް ކަނޑައެޅި ސަފީރު ޝިއުނީން ރަޝީދުގެ ނަމެވެ.
