މެންޗެސްޓާ ސިޓީ އަށް ކުޅެމުން އަންނަ ނޯވޭގެ ފޯވަޑް އާލިން ހާލަންޑްގެ މުސާރަ އާއި އަގު މަތިކުރަން އޭނާގެ ކުލަބުން މަސައްކަތް ފަށައިފި އެވެ.
ސިޓީން މި ގޮތަށް މަސައްކަތް ފެށީ ހާލަންޑްގެ ގަތުމަށް ސްޕޭނުގެ ބޮޑު ދެ ބާރުން ކުރިމަގުގައި މަސައްކަތް ކުރާނެ ކަމަށް ބެލެވޭތީ އެވެ. ރެއާލްގައި ކުޅުންތެރިޔާ ގަތުމުގެ ގާބިލްކަން މިވަގުތު ވެސް އެބަހުއްޓެވެ. ބާސެލޯނާއިން ދަނީ އެކުލަބުގެ ދަރަނިކުޑަކޮށް މާލީ ކަންކަން އިންތިޒާމް ކުރަމުންނެވެ.
މިހެންވެ ސިޓީން މަސައްކަތް ކުރަމުންދަނީ ހާލަންޑްގެ މުސާރަ އަށް މިހާރު ހަފުތާއަކު ދެމުން އަންނަ 500 މިލިއަން ޕައުންޑް އިތުރުކުރާށެވެ. އަދި އޭނާ ވިއްކަން މިހާރު ކަނޑައަޅާފައިވާ 218 މިލިއަން ޑޮލަރުގެ ރިލީޒް ކްލޯސް އިތުރު ކުރުމަށެވެ. ރިޕޯޓްތައް ބުނާ ގޮތުން ސިޓީން މަސައްކަތް ކުރަނީ މި އަދަދު ދެގުނަ ކުރުމަށެވެ. ސަބަބަކީ ބާސެލޯނާ އާއި ރެއާލް މެޑްރިޑްގެ ކުޅުންތެރިންގެ ރިލީޒް ކްލޯސް ވެސް 500 ޑޮލަރަށްވުރެ މަތިކޮށްފައިވުމެވެ.
ހާލަންޑަކީ ޔޫރަޕުގައި މިވަގުތު ހުރި އެންމެ ވަރުގަދަ އެއް ފޯވަޑެވެ. އޭނާ ވަނީ މިދިޔަ ސީޒަނުގައި ސިޓީ އަށް ހަތަރު ތަށި ހޯދައިދޭން ގިނަ ގޯލުތަކެއް ޖަހައިދީފަ އެވެ.
