ކ. މާލެ
|
18 ނޮވެންބަރ 2023 | ހޮނިހިރު 09:43
މެޗުގައި ލަނޑު ޖެހުމަށްފަހު އިންގްލެންޑުގެ ކުޅުންތެރިން އުފާ ފާޅު ކުރަނީ
މެޗުގައި ލަނޑު ޖެހުމަށްފަހު އިންގްލެންޑުގެ ކުޅުންތެރިން އުފާ ފާޅު ކުރަނީ
ރޮއިޓާސް
ޔޫރޯ ކޮލިފިކޭޝަން 2024
އިންގްލެންޑުން މޯލްޓާ ބަލިކޮށްފި
 
ގްރޫޕް ސީގެ އެއް ވަނައިގައި އިންގްލެންޑު އޮތީ ހަތް މެޗުން 19 ޕޮއިންޓު ހޯދައިގެން

ޔޫރޯ ކޮލިފިކޭޝަންގައި މޯލްޓާއާ ދެކޮޅަށް ކުޅުނު މެޗުން އިންގްލެންޑު މޮޅުވެއްޖެ އެވެ.

ހުކުރު ދުވަހުގެ ރޭ މޯލްޓާއާ ދެކޮޅަށް ނިކުތްއިރު ވެސް، އަންނަ އަހަރު ޖަރުމަނުގައި އޮންނަ ޔޫރޯ އިން އިންގްލެންޑު ވަނީ ޖާގަ ކަށަވަރު ކޮށްފަ އެވެ. މޯލްޓާއާ ދެކޮޅަށް ކުޅުނު މެޗު އިންގްލެންޑުން ކާމިޔާބު ކުރީ 2-0 އިންނެވެ.

Advertisement

މެޗު ފަށައިގެން އަށް ވަނަ މިނެޓުގައި އިންގްލެންޑަށް ލީޑު ލިބުނީ މޯލްޓާގެ ޑިފެންޑަރު އެންރިކޯ ޕެޕޭ އަތުން ބައި ކޮޅަށް ވަތް ލަނޑުންނެވެ. އޭގެ ފަހުން ވެސް މެޗުގައި އިންގްލެންޑުން ވަނީ ލަނޑު ޖަހާނެ ފުރުސަތު ތަނަވަސްކޮށްފަ އެވެ. މެޗުގެ 75 ވަނަ މިނެޓުގައި އިންގްލެންޑުގެ ދެ ވަނަ ލަނޑު ޖެހީ ކެޕްޓަން ހެރީ ކޭން އެވެ. އޭނާ އެ ލަނޑު ޖެހީ ބުކަޔޯ ސަކާ ތަނަވަސްކޮށްދިން ފުރުސަތެއްގަ އެވެ. އޭގެ މިނެޓެއް ފަހުން އިންގްލެންޑުގެ ޑެކްލަން ރައިސް ލަނޑެއް ޖެހި ނަމަވެސް، ވީއޭއާރު ބެލުމަށްފަހު ރެފްރީ ނިންމީ ލަނޑު ބަަލައި ނުގަތުމަށެވެ.

އިންގްލެންޑު އޮތީ ގްރޫޕް ސީގެ އެއް ވަނައިގަ އެވެ. އެއީ މިހާތަނަށް ކުޅުނު ހަތް މެޗުން 19 ޕޮއިންޓު ހޯދައިގެންނެވެ. ހަތް މެޗުގެ ތެރެއިން އެ ޓީމު ވަނީ ހަ މެޗުން މޮޅުވެފަ އެވެ. އެއް މެޗު އެއްވަރުވެފައިވާއިރު، މިހާތަނަށް އެއްވެސް މެޗަކުން ބަލިވެފައެއް ނުވެ އެވެ.

Advertisement
އެންމެ ފަހުން އަޕްޑޭޓް ކުރީ: 2 މަސް ކުރިން
ރިވިއު ކުރީ: އަހްމަދު ދާއޫދު
0%
0%
0%
0%
0%
0%
ކޮމެންޓް