އާ ސަރުކާރުގެ ކުޅިވަރު މިނިސްޓަރަކަށް ހުރިހާ އެތްލީޓުންގެ ޑޮކްޓަރު ރާއްޕެ!

އާ ސަރުކާރުގެ ކުޅިވަރު މިނިސްޓަރަކަށް ގައުމީ ޓީމްތަކުގެ އެތްލީޓުންގެ ޑޮކްޓަރ އަބްދުالله ރާފިއު އައްޔަން ކުރައްވައިފިއެވެ.

ސްޕޯރޓްސް ފިޒީޝަން ޑރ.ރާފިއު އަކީ މިދިޔަ އަހަރު ތަކުގައި ގައުމީ ޓީމްތައް ވާދަކުރި މުބާރާތްތަކާއި, ގޭމްސް ތަކުގައިވެސް މެޑިކަލް ޓީމް ލީޑްކުރެއްވި, ކުޅުންތެރިންގެ އަނިޔާގެ ކަންކަން ބެލެހެއްޓެވި ކުޅިވަރުގެ ބޮޑު ޚިދުމަތްތެރިއެކެވެ. އޭނާ ފާހަގަކުރެވެނީ ހުރިހާ ކުޅިވަރެއްގެ ޚިދުމަތްތެރި އެއްގެ ގޮތުގައެވެ. މިދިޔަ ދެ އަހަރު ޔޫތް މިނިސްޓްރީން ދިން އެދާއިރާގެ އެންމެ ޚިދުމަތްތެރި އެވޯޑްވެސް ދެއްވީ ޑރ.އަބުދުالله ރާފިއު އަށެވެ.

ކުރިން ޔޫތް އާއި ސްޕޯރޓްސް އެއްކޮށް, އެއް މިނިސްޓްރީ އެއްގެ ދަށުން ހިނގަމުން އައި ނަމަވެސް ޑރ.ރާފިއުއާ ހަވާލުކުރެއްވީ ކުޅިވަރާއި, ފިޓްނަސްއާއި ރެކްރިއޭޝަން ހިމެނޭ ގޮތަށް އުފެއްދެވި މިނިސްޓްރީ އޮފް ސްޕޯރޓްސް, ފިޓްނަސް އެންޑް ރެކްރިއޭޝަން އެވެ. ރާފިއުއަކީ ސްޕޯރޓްސް ކައުންސިލްގެ ވެސް މެމްބަރެކެވެ. ސްޕޯޓްސް މެޑިކަލްގެ ރޮނގުން މަތީ ތަޢުލީމް ޙާޞިލްކުރައްވާފައިވާ ޢަބްދުﷲ ރާފިޢު ގެންދަވަނީ، އޮލިމްޕިކް ކުޅިވަރު މުބާރާތްތަކުގައި ދިވެހި ޤައުމީ ޓީމުގެ މެޑިކަލް ލީޑަރުގެ ޙައިސިއްޔަތުން 2019 ވަނަ އަހަރުން ފެށިގެން ޚިދުމަތް ކުރައްވަމުންނެވެ. އެކި ކުޅިވަރުތަކުގައި ބައިވެރިވާ ކުޅުންތެރީންގެ ޞިއްޙީ ދުޅަހެޔޮކަން ހިފެހެއްޓުމަށް އެހީތެރިވެދެއްވުމުގެ މަސައްކަތް 2003 ވަނަ އަހަރުން ފެށިގެން ވަނީ ފަށްޓަވައިފައެވެ. ޢަބްދުﷲ ރާފިޢަކީ ރާއްޖޭގެ ކުޅިވަރު ކުރިއެރުވުމަށް މަސައްކަތް ކުރައްވަވާ، އަދި ކަސްރަތާ ހަށިހެޔޮކަމަށް މުޖްތަމަޢު ހޭލުންތެރިކުރުމަށް މަސައްކަތްކުރައްވަމުން ގެންދަވާ މަޤްބޫލު ބޭފުޅެކެވެ.

ރާފިއު އަކީ ދުނިޔޭގެ ސްވިމިންގ ފެޑެރޭޝަންގެ މެޑިކަލް ޓީމްގެވެސް މެމްބަރެކެވެ. މިއީ ރާފިއު ސިޔާސީ މަގާމަކާ ހަވާލުވެވަޑައިގަންނަވާ ފުރަތަމަ ފަހަރެވެ.