ރައީސް މުއިއްޒުގެ އެޑްވައިޒަރަކަށް އަބްދުއްރަހީމް، ރައީސް އޮފީހަށް ފަސް މިނިސްޓަރުން އައްޔަންކުރައްވައިފި
ރައީސް އޮފީހުގެ މިނިސްޓަރކަން 5 ބޭފުޅަކަށް ވަނީ ދެއްވާފަ
ރައީސް އޮފީހަށް ފަސް މިނިސްޓަރުން އައްޔަންކުރެއްވުން
ރައީސުލްޖުމްހޫރިއްޔާ ޑރ. މުހައްމަދު މުއިއްޒު ރައީސް އޮފީހަށް މިނިސްޓަރުން އައްޔަނު ކުރައްވައިފިއެވެ.
އިންތިހާބީ ރައީސް ޑރ. މުހައްމަދު މުއިއްޒުގެ ޚާއްސަ މުޝީރު ނުވަތަ އެޑްވައިޒަރުގެ މަގާމަށް، ޕީއެންސީގެ ޗެއާޕަރސަން އަބްދުއްރަހީމް އަބްދުﷲ ވަނީ އައްޔަންކުރައްވާފައެވެ.
ރައީސް އޮފީހުގެ މިނިސްޓަރކަން 5 ބޭފުޅަކަށް ވަނީ ދެއްވާފައެވެ.
1. މިނިސްޓަރ އެޓް ދަ ޕްރެޒިޑެންޓްސް އޮފީސް ފޮރ ސްޓްރެޓީޖިކް ކޮމިއުނިކޭޝަން- އިބްރާހީމް ހަލީލް
2. މިނިސްޓަރ އެޓް ދަ ޕްރެޒިޑެންޓްސް އޮފީސް- އަބްދުﷲ ނާސިރު
3. މިނިސްޓަރ އެޓް ދަ ޕްރެޒިޑެންޓްސް އޮފީސް ފޮރ ޕްރެޒިޑެންޝަލް އެފެއާޒް- އަލީ އާރިފް
4. މިނިސްޓަރ އެޓް ދަ ޕްރެޒިޑެންޓްސް އޮފީސް- އާދަމް ރަމީޒް
5. މިނިސްޓަރ އެޓް ދަ ޕްރެޒިޑެންޓްސް އޮފީސް ފޮރ ލީގަލް އެފެއާޒް- އަހުމަދު ހިޝާމް ވަޖީހުއެވެ.
މީގެ އިތުރުން ޕްރިސިޕަލް ސެކެޓްރީ ޓު ދަ ޕްރެޒިޑެންޓް އޮން ފޮރިން ރިލޭޝަންސްގެ މަޤާމަށް މުހައްމަދު ނަސީމް އަދި ޕްރިސިޕަލް ސެކެޓްރީ ޓު ދަ ޕްރެޒިޑެންޓް އޮން ކެބިނެޓް އެފެއާޒް، އަލީ ހަބީބު ވަނީ އައްޔަންކުރައްވާފައެވެ. އަދި ޕްރިސިޕަލް ސެކެޓްރީ ޓު ދަ ޕްރެޒިޑެންޓް އޮން ކޯޕަރޭޓް ޑިވެލޮޕްމަންޓްގެ މަޤާމަށް މުހައްމަދު ޝާހިދު، ސެކެޓްރީ ޓު ދަ ޕްރެޒިޑެންޓް އޮން ކޯޕަރޭޓް ސާވިސަސް ކަމަށް ޙުސެއިން އާމިރު، ސެކެޓްރީ ޓު ދަ ޕްރެޒިޑެންޓް އޮން ލީގަލް އެފެއާޒްގެ މަޤާމަށް އައްބާސް ޝަރީފް، ސެކެޓްރީ ޓު ދަ ޕްރެޒިޑެންޓް އޮން ޕަބްލިކް ޕޮލިސީ، އައިޝަތު އިކްރާމް އައްޔަންކުރައްވާފައިވެއެވެ.
މީގެ އިތުރުން އެޑްވައިޒަރުންގެ ގޮތުގައި 3 ބޭފުޅުން އައްޔަންކުރައްވާފައިވެއެވެ.
1. ނޭޝަނަލް ސެކިއުރިޓީ އެޑްވައިޒަރގެ މަޤާމަށް ޑެޕިއުޓީ ކޮމިޝަނަރ އޮފް ޕޮލިސް (ރިޓަޔަރޑް) އިބްރާހީމް ލަތީފު
2. އެޑްވައިޒަ ޓު ދަ ޕްރެޒިޑެންޓް އޮން ޓޫރިޒަމް ޑިވެލޮޕްމަންޓްގެ މަޤާމަށް މުހައްމަދު ހަލީލް
3. ޕްރިންސިޕަލް އެޑްވައިޒަ ޓު ދަ ޕްރެޒިޑެންޓް އޮން ޓްރޭޑް އެންޑް އިންވެސްޓްމަންޓްގެ މަޤާމަށް މުޙައްމަދު އަލީ ޖަނާހު ވަނީ އައްޔަންކުރައްވާފައެވެ.
ރައީސް އޮފީހުގެ ޗީފް އޮފް ސްޓާފް މަގާމަށް އައްޔަނުކުރައްވާފައި ވަނީ އަބްދުالله ފަޔާޒެވެ. މީގެ އިތުރުން އެ މިނިސްޓްރީގެ ސްޓޭޓު މިނިސްޓަރަކަށް މުހައްމަދު ޝަހުދީ އަދި ފޮރިން މިނިސްޓްރީގެ އެމްބެސެޑާ އެޓް ލާޖްގެ މަގާމަށް ޑރ. އަލީ ނަސީރު ވަނީ އައްޔަންކުރައްވާފައެވެ.
