ނައިބުރައީސް ފައިސަލް ނަސީމް ހިލާލީގެއިން ބަދަލު ވެވަޑައިގެންފިއެވެ.
ރާއްޖެއެމްވީއަށް މައުލޫމާތު ލިބިފައިވާގޮތުގައި ނައިބުރައީސް ހިލާލީގެއިން ބަދަލުވެވަޑައިގެންނެވީ ބުދަ ދުވަހުގެ ހަވީރުގެ ވަގުތެއްގައެވެ.
ރައީސުލްޖުމްހޫރިއްޔާގެ ނައިބު ފައިސަލް ނަސީމް އަދި އެބޭފުޅާގެ އާއިލާ ދިރިއުޅުއްވުން ހިލާލީ ގެއަށް ބަދަލުކުރެއްވީ ހިލާލީގެ ވަަރަށް ބޮޑަށް މަރާމާތު ކުރެއްވުމަށްފަހު 7 ޖެނުއަރީ 2019 ގައެވެ.
ނައިބުރައީސް ހިލާލީގެއިން ބަދަލުވެ ވަޑައިގެންފައިވާއިރު ރައީސް ޞާލިޙުގެ ދެކަނބަލުން ވެސް ރިޔާސީ ގަނޑުވަރު، މުލިއާގެއިން މި މަހުގެ 10 ވަނަ ދުވަހު ވަނީ ބަދަލުވެވަޑައިގެންފައެވެ.
ކުރީގެ ރައީސް ޔާމީންގެ ވެރިކަމުގައި، ޔާމީން އަދި އޭގެ ފަހުން އެމަނިކުފާނުގެ ފުރަތަމަ ނައިބު ރައީސް ދިރިއުޅުއްވީ ވެސް ހިލާލީ ގޭގައެވެ. ރައީސް ޔާމީން މުލިއާގެ ބޭނުންފުޅު ކުރެއްވީ، އެމަނިކުފާނުގެ ސިޔާސީ ބޭނުންފުޅު ތަކަށާއި، އަދި އެމަނިކުފާނުގެ އަނބިކަނބަލުން ކުރިއަށް ގެންދަވާ މަސައްކަތްތައް ކުރެއްވުމަށެވެ.
