އެއްގަމު އުޅަނދު ލައިސަންސްގެ ތިއަރީ އިމްތިހާން ޕޮލިޓެކްނިކުން ކުރިއަށްގެންދާ ގޮތް ހަދައިފި
އެއްގަމު އުޅަނދުގެ ލައިސްންސަށް އެދި ސިމްސް އިން ހުށަހަޅާއިރު ތިއަރީ ހަދާ ސެންޓަރެއްގެ ގޮތުގައި ނަގަން ޖެހޭނީ މޯލްޑިވްސް ޕޮލިޓެކްނިކް
އެއްގަމު އުޅަނދުތަކެއް
އެއްގަމު އުޅަނދު ލައިސަންސްގެ ތިއަރީ އިމްތިހާން މޯލްޑިވްސް ޕޮލިޓެކްނިކުން ކުރިއަށްގެންދާ ގޮތް ހަދައިފިއެވެ.
މިނިސްޓްރީ އޮފް ޓްރާންސްޕޯޓް އެންޑް ސިވިލް އޭވިއޭޝަނުން މި ބަދަލު ގެނައީ މިއަދުން ފެށިގެންނެވެ. އެގޮތުން، އެ މިނިސްޓްރީން ރައްޔިތުންނަށް ފޯރޮކޮށްދޭ ޚިދުމަތްތަކުގެ ތެރެއިން އެއްގަމު އުޅަނދު ދުއްވުމުގެ ލައިސަންސްގެ ތިއަރީ އިމްތިހާނު، 15 ނޮވެމްބަރ 2023 ވަނަ ދުވަހުން ފެށިގެން މޯލްޑިވްސް ޕޮލިޓެކްނިކްއިން ކުރިއަށް ގެންދިއުމަށް ހަމަޖެހިފައިވާ ކަމަށް އަންގާރަ ދުވަހު ނެރުނު އިއުލާނެއްގައި ވަނީ ބުނެފައެވެ.
މި ބަދަލާއެކު މިއަދުން ފެށިގެން ގްރޭޓާ މާލެއިން އެއްގަމު އުޅަނދުގެ ލައިސްންސަށް އެދި ސަވާރީ އިންފްމޭޝަން މެނޭޖްމަންޓް ސިސްޓަމް (ސިމްސް) އިން ހުށަހަޅާއިރު ތިއަރީ ހަދާ ސެންޓަރެއްގެ ގޮތުގައި ނަގަން ޖެހޭނީ މޯލްޑިވްސް ޕޮލިޓެކްނިކްއެވެ.
ޓްރާންސްޕޯޓް މިނިސްޓްރީން ވަނީ ދާދިފަހުން އެ މިނިސްޓްރީގެ ޚިދުމަތްތަކަށް ބޮޑެތި ބަދަލުތަކެއް ގެނެސްފައެވެ. އެގޮތުން އެ މިނިސްޓްރީގެ ހުރިހާ ޚިދުމަތެއް މިހާރު ވަނީ ޑިޖިޓަލްކޮށްފައެވެ. އަދި އެ މިނިސްޓްރީން ވަނީ ޑިޖިޓަލް ލައިސަންސްގެ ޚިދުމަތްވެސް ތައާރަފްކޮށްފައެވެ.
