އިންތިޚާބީ ރައީސް ހުވާކުރުމުގެ ރަސްމިއްޔާތުގައި ނަޝީދު އިންނަވާނަމަ އެމްޑީޕީން އިހުތިޖާޖުކުރަނީ
10 ނޮވެމްބަރު 2023 | ހުކުރު 03:58ހުވާކުރުން އޮންނާނީ ނޮވެމްބަރު 17 ވަނަ ދުވަހު
އިންތިޚާބީ ރައީސް އާއި ނައިބު ރައީށް މަޖިލީހުގެ ރައީސާ ބައްދަލުކުރައްވަނީ
ނޮވެމްބަރު 17 ވަނަ ދުވަހު އިންތިޚާބީ ރައީސް ޑރ. މުހައްމަދު މުއިއްޒު ހުވާ ކުރެއްވުމަށް ބާއްވާ ޖަލްސާގެ ރިޔާސަތުގައި މަޖިލީހުގެ ރައީސް މުހައްމަދު ނަޝީދު އިންނަވައިފި ނަމަ އެމްޑީޕީން އިހުތިޖާޖުކުރާނެ ކަމަށް އެ ޕާޓީން ބުނެފިއެވެ.
ހުޅުމާލޭ ދާއިރާގެ މެމްބަރުއަލީ ނިޔާޒު އެކްސްގައި ކުރެއްވި ޕޯސްޓެއްގައި ވިދާޅުވީ ބުރާސްފަތި ދުވަހު ސުޕްރީމް ކޯޓުން ކޮށްފައިވާ ހުކުމާއެކު، އިންތިހާބީ ރައީސް ހުވާ ކުރުމުގެ ރަސްމިއްޔާތުގެ ރިޔާސަތު ބަލަހައްޓަނީ މަޖިލިސް މެމްބަރުންގެ އިތުބާރު ނެތް ރިޔާސަތެއް ކަމުގައިވާ ނަމަ އެކަމަށް އެމްޑީޕީއިން އިހުތިޖާޖު ކުރާނެ ކަމަށެވެ. އެހެންނަމަވެސް އަދި އިހުތިޖާޖުކުރާނެ ގޮތުގެ ތަފްސީލް ހާމައެއް ނުކުރެއެވެ.
އިހުތިޖާޖު ކުރާނެ ގޮތެއް ނިންމާނީ އެމްޑީޕީގެ ޕީޖީ ގްރޫޕުންނެވެ. ނިޔާޒް އެފަދައިން ވިދާޅުވެފައިވާއިރު މަޖިލީހުގެ ރައީސް މުހައްމަދު ނަޝީދު މަގާމުން ވަކިކުރަން ހުށަހަޅާފައިވާ ގަރާރު އަންނަ އާދީއްތަ ދުވަހަށް ވަނީ ތާވަލްކޮށްފައެވެ. ނަޝީދު ވަކިކުރުމުގެ ޖަލްސާ ކުރިޔަށް ނުގެންދެވި މަޖިލީސް ހުއްޓިފައި އޮންނާތީ ސުޕްރީމްކޯޓަށް އެމްޑީޕީން ހުށަހެޅި މައްސަލަ ނިމުނީ އެމްޑީޕީ އާއި އެއްކޮޅަށެެވެ.
