ޣައްޒާގައި މަރުވި 10،000 މީހުންގެ ތެރޭގައި 3،700އަށްވުރެ ގިނަ ކުޑަކުދިން ހިމެނޭ: އދ

ޣައްޒާގައި އިސްރާއީލުން ހިންގަމުންދާ ލާއިންސާނީ އަސްކަރީ ކެމްޕޭނުގައި މިހާތަނަށް ޝަހީދުވި ފަލަސްތީނުގެ 10،000 މީހުންގެ ތެރޭގައި 3،760 ކުޑަކުދިންނާއި 2،326 އަންހެނުން ހިމެނޭކަމަށް، އދ.ގެ އިދާރާތަކުން ބުނެފިއެވެ.

ޣައްޒާގައި މިހާތަނަށް މަރުވި މީހުންގެ 67 އިންސައްތައަކީ އަންހެނުންނާއި ކުޑަކުދިންނާއި ތުއްތުކުދިން ކަމަށް އދ.ން ބުނެއެވެ.

މެޑިކަލް ފެސިލިޓީތައް ހަލާކުވެފައިވާއިރު، އަދި ދުވާލެއްގެ މައްޗަށް އެވްރެޖްކޮށް 180 އަންހެނުން ފަލަސްތީނުގައި ވިހަނީ ވަރަށް ހައިރިސްކް ހާލަތުގައި ކަމަށް އދ.ން ބުނެއެވެ. 45 ސިއްހީ އިދާރާ ނުވަތަ ހޮސްޕިޓަލް އެއްވެސް ޚިދުމަތެއް ނުދެވޭވަރަށް ހަލާކުވެފައި ވުމުން، 15 އިންސައްތަ މީހުންނަށް ފަރުވާގެ ފުރުސަތު ހަނިވެފައިވާތީ، ބޮޑެތި ސިއްހީ މައްސަލަތައް ވަނީ ކުރިމަތިވެފައެވެ. 

އިންސާނީ ހައްގުތަކަށް މަސައްކަތްކުރާ ޖަމާއަތްތަކުން ތުހުމަތުކުރާގޮތުގައި އިސްރާއީލުން ވަނީ ބައިނަލްއަގުވާމީ ގާނޫނުތަކާ ޚިލާފަށް އާބާދީ ބޮޑު ސަރަހައްދުތަކުގައި އެކަށީގެންނުވާ އަދި ނުހައްގު ބާރުގެ ބޭނުންކޮށްފައެވެ. ނަމަވެސް އިޒްރޭލުން ބުނަނީ އާންމުންގެ މަރުގެ ޒިންމާ ނަގަންޖެހޭނީ ހަމާސްއިން ކަމަށެވެ.

އިސްރާއީލުން ޣައްޒާގެ އަންހެނުންނަށާއި ކުޑަކުދިންނަށް ދެމުންގެންދާ ހަމަލާތަކުގެ ސަބަބުން، ޣައްޒާއަށް ލިބެމުންދާ ގެއްލުންތައް އދ.ގެ ތަފާސްހިސާބުތަކުގައި ވަރަށް ތަފްސީލްކޮށް ހިމަނާފައިވާއިރު، އޮކްޓޯބަރު މަހުގެ ކުރީކޮޅު ހަނގުރާމަ ފެށިފަހުން މަރުވި ގާތްގަނޑަކަށް 10،000 މީހުންގެ ތެރެއިން ގިނަ މީހުންނަކީ ބޮމުގެ ހަމަލާތަކުގައި މަރުވި މީހުންނެވެ.

ފަލަސްތީނާއި ބައިނަލްއަގުވާމީ ބައެއް އޮބްޒަރވަރުން ބުނަނީ މިއީ ފަހަކަށް އައިސް ހިންގާ މިފަދަ ހަނގުރާމައިގެ އެންމެ ނުރައްކާބޮޑު އަދި އެންމެ އިންސާފެއްނެތް ގަތުލުއާންމު ކަމުގައެވެ.

އިޒްރޭލުން ބުނަމުންދަނީ އެމީހުންގެ ހަމަލާތަކުން އާންމުން ދުރުކުރުމަށް ރައްކާތެރިކަމުގެ ފިޔަވަޅުތައް އަޅަމުން އަންނަކަމަށެވެ.