ސައުދީ އަރަބިޔާގެ އެސިސްޓެންޓް ކޯޗަކަށް ޔާޔާ ޓޫރޭ

ސައުދީ އަރަބިޔާ ގައުމީ ފުޓްބޯޅަ ޓީމްގެ އެސިސްޓެންޓް ކޯޗަކަށް މެންޗެސްޓަރ ސިޓީގެ ކުރީގެ މިޑްފީލްޑަރ ޔާޔާ ޓޫރޭ ހަމަޖައްސައިފިއެވެ.

ޔާޔާ ޓޫރޭ އެސިސްޓެންޓް ކޯޗުކަމަށް ހަމަޖެއްސީ ހެޑް ކޯޗު ރޮބާޓޯ މަންޗިނީގެ ލަފާގެ މަތީންނެވެ. މަންޗިނީ މެންޗެސްޓަރ ސިޓީއަށް ކޯޗުކޮށްދިން އިރު, ޔާޔާ ޓޫރޭ އަކީ ސިޓީގެ އެންމެ މުހިއްމު އެއް ކުޅުންތެރިޔާއެވެ. އައިވަރީ ކޯސްޓްގެ ކުރީގެ މިޑްފީލްޑަރ ކޯޗިންގ މަސައްކަތް ފެށީ 2019 ވަނަ އަހަރު އެވެ. އަށް އަހަރު މެންޗެސްޓަރ ސިޓީއަށް ކުޅެ ކާމިޔާބު ހޯދި ޔާޔާ ޓޫރޭ ބުނީ މަންޗިނީގެ ފަރާތުން ހުށަހެޅުން ލިބުމުން ނޫނެކޭ ނުބުނެވޭނެ ކަމަށެވެ. ސައުދީ ޕްރޮޖެކްޓާ ގުޅުމަކީ ރަނގަޅު ބަދަލެއް ކަމަށް އޭނާ ބުންޏެވެ. މަންޗިނީގެ ފަރާތުން ދަސްކޮށް, މަންޗިނީއާއެކު މަސައްކަތްކުރުމަކީ އެންމެ ރަނގަޅު ނިންމުންކަމަށް ގައުމީ ޓީމަށް 101 މެޗު ކުޅުނު ކުޅުންތެރިޔާ ބުންޏެވެ.

ޔާޔާ ޓޫރޭ ވަނީ ސިޓީއަށް ބަދަލުވުމުގެ ކުރިން ބާސެލޯނާ އަށްވެސް ކުޅެފައެވެ. ކޯޗިންގައި ވަނީ ޔުކްރެއިންއާއި, ރަޝިޔާގަވެސް މަސައްކަތް ކޮށްފައެވެ. އަދި ޓޮޓެންހަމްގެ އެކަޑަމީގައި ވެސް މަސައްކަތް ކުރިއެވެ. ގައުމީ ޓީމާއެކު އެފްރިކަން ކަޕް އޮފް ނޭޝަން ކާމިޔާބުކުރި ޓޫރޭ ވަނީ ކްލަބް ފުޓްބޯޅައިގަ 18 ތަށި ކާމިޔާބުކޮށްފައެވެ. މަންޗިނީ ސައުދީ ގައުމީ ޓީމާ ހަވާލުވީ އޮގަސްޓް މަހުއެވެ.