އަލް ޝަބާބު އަތުން އަލް އިއްތިހާދު ބަލިވެއްޖެ

ސައުދީ ޕްރޯ ލީގުގައި އަލް ޝަބާބާ ދެކޮޅަށް ކުޅުނު މެޗުން އަލް އިއްތިހާދު ބަލިވެއްޖެ އެވެ.

ހުކުރު ދުވަހުގެ ރޭ ކުޅުނު މެޗުން އަލް އިއްތިހާދު ބަލިވީ 1-0 އިންނެވެ. ސީޒަން ފެށުނު ކޮޅު އަލް އިއްތިހާދުގެ ފަރާތުން މޮޅު ކުޅުމެއް ފެނުނު ނަމަވެސް، މިހާރު އެ ޓީމުގެ ނަތީޖާތައް ވަނީ ދަށްވެފަ އެވެ. މެޗު ފަށައިގެން 14 ވަނަ މިނެޓުގައި އަލް ޝަބާބުން ވަނީ ލަނޑު ޖަހައި ލީޑު ނަގައިފަ އެވެ. އެ ޓީމަށް ލީޑު ނަގައިދިނީ ކާލޯސް އެވެ. އޭގެ ފަހުން ވެސް އެ ޓީމަށް ލީޑު ފުޅާ ކުރުމަށް ވަނީ ފުރުސަތު ލިބިފަ އެވެ. އަނެއްކޮޅުން އަލް އިއްތިހާދަށް ވެސް ވަނީ ލަނޑު ޖަހާނެ ފުރުސަތު ލިބިފަ އެވެ. އެ ޓީމަށް ކުޅެމުން އަންނަ ފްރާންސްގެ ކަރީމް ބެންޒެމާ އަށް ވަނީ ދެ ފުރުސަތެއް ލިބިފަ އެވެ. ހަމައެއާއެކު އެ ޓީމުގެ ފޯވާޑް ހަމަދުއްﷲ އަށް ވެސް ވަނީ ލަނޑު ޖަހާނެ ފުރުސަތު ލިބި، ބޭކާރުވެފަ އެވެ.

ބައްޔާއެކު ލީގު ތާވަލްގެ ކުރިއަށް ޖެހިލަން ލިބުނު ފުރުސަތު އަލް އިއްތިހާދުން ވަނީ ނަގާލައިފަ އެވެ. މިހާތަނަށް ކުޅުނު 12 މެޗުން އެ ޓީމަށް ލިބެނީ 21 ޕޮއިންޓެވެ. އެ ޓީމު އޮތީ ލީގު ތާވަލްގެ ނުވަ ވަނައިގަ އެވެ. އަލް އިއްތިހާދު އަތުން މޮޅުވި އަލް ޝަބާބް އޮތީ 15 ޕޮއިންޓާއެކު ނުވަ ވަނައިގަ އެވެ.