ޑަމަކް އަތުން ބަލިވެ އަލް އިއްތިހާދުން ފުރުސަތު ނަގާލައިފި
މެޗުން ބަލިވެ އަލް އިއްތިހާދު އޮތީ ދެ ވަނައިގަ އެވެ. އަލް އިއްތިހާދާއި، އެއް ވަަނައިގައި އޮތް އަލް ޙިލާލަށް ވެސް ޕޮއިންޓު ލިބެނީ އެއް އަދަދަކަށެވެ.
މެޗުގައި ލަނޑު ޖެހުމަށްފަހު ޑަމަކްގެ ކުޅުންތެރިން އުފާ ފާޅު ކުރަނީ
ސައުދީ ޕްރޯ ލީގުގައި ޑަމަކާ ދެކޮޅަށް ކުޅުނު މެޗުން މޮޅުވެ، އެއް ވަނަައިގައި އޮންނަ ލިބުނު ފުރުސަތު އަލް އިއްތިހާދުން ނަގާލައިފި އެވެ.
ލީގުގައި ޑަމަކާ ދެކޮޅަށް ކުޅުނު މެޗުން އަލް އިއްތިހާދު ބަލިވެފައި ވަނީ 2-1 އިންނެވެ. މެޗުން ޑަމަކް މޮޅުވީ މެޗުގެ އެންމެ ފަހު ވަގުތުގައި ޖެހި ލަނޑުންނެވެ.
މެޗުގައި ފުރަތަމަ ލަނޑު ޖަަހައި ކުރި ހޯދީ ވެސް ޑަމަކުންނެވެ. އެގޮތުން މެޗުގެ ފުރަތަމަ ހާފުގެ 17 ވަނަ މިނެޓުގައި އެ ޓީމަށް ކުރި ހޯދައިދިނީ ޖޯޖެސް ކެވިން އެން ކޫޑޫ އެވެ. ނަމަވެސް މެެޗުގެ ފުރަތަމަ ހާފުގެ އިތުރު ވަގުތުގެ ތެރޭގައި އަލް އިއްތިހާދުން ވަނީ ލަނޑު ޖަހައި ނަތީޖާ ހަމަހަމަ ކޮށްފަ އެވެ. އެ ޓީމަށް ނަތީޖާ ހަމަހަަމަ ކޮށްދިނީ ފްރާންސްގެ ކަރީމް ބެންޒެމާ އެވެ. މެޗުގެ ފުރިހަމަ ވަގުތު ހަމަވެ އިތުރަށް ދެއްކި ވަގުތުގައި ޑަމަކް މޮޅުވީ ވެސް ކޫޑޫ ޖެހި ލަނޑުންނެވެ.
މެޗުން ބަލިވެ އަލް އިއްތިހާދު އޮތީ ދެ ވަނައިގަ އެވެ. އަލް އިއްތިހާދާއި، އެއް ވަަނައިގައި އޮތް އަލް ޙިލާލަށް ވެސް ޕޮއިންޓު ލިބެނީ އެއް އަދަދަކަށެވެ. މިހާތަނަށް ކުޅެފައިވާ 17 މެޗުން ދެ ޓީމަށް ވެސް 43 ޕޮއިންޓެވެ. ނަމަވެސް ލަނޑުގެ ގޮތުން ކުރި ހޯދައިގެން އަލް ޙިލާލް އޮތީ އެއް ވަނައިގަ އެވެ.
