ވިއްސާރައިގެ ސަބަބުން އާބަންކޯގެ "ވީ ސްޓޭންޑް ވިތް ފަލަސްތީން" އިވެންޓު ފަސްކޮށްފި
މި އިވެންޓު ބޭއްވުމަށް އެ ކުންފުނިން އެންމެ ފުރަތަމަ ނިންމީ ހުކުރު ދުވަހުގެ ހަވީރު 4 އިން 6 އަށް، އަދި އެރޭގެ 8 އިން 10 އަށް
އާބަންކޯ
ފަލަސްތީނުގެ ރައްޔިތުންނަށް އެހީވުމަށް އާބަންކޯ އިން އިސްނަގައިގެން ހުކުރު ދުވަހުގެ ހަވީރު ބާއްވަން ނިންމި، "ވީ ސްޓޭންޑް ވިތު ފަލަސްތީން" އިވެންޓު ވިއްސާރައިގެ ސަބަބުން ފަސްކުރުމަށް އެ ކުންފުނިން ނިންމައިފި އެވެ.
އާބަންކޯގެ މި އިވެންޓު ބޭއްވުމަށް އެ ކުންފުނިން އެންމެ ފުރަތަމަ ނިންމީ ހުކުރު ދުވަހުގެ ހަވީރު 4 އިން 6 އަށް، އަދި އެރޭގެ 8 އިން 10 އަށެވެ.
މި އިވެންޓުގައި އެކި ކަހަލަ ފުޑް ސްޓޯލް، ޖަމްބަލް ސޭލް އަދި ކުޑަކުދިންނާ ގުޅޭ ތަފާތު ހަރަކާތްތައް ބޭއްވުމަށް އެ ކޯޕަރޭޝަނުން ނިންމި އެވެ.
އެހެން ނަމަވެސް ރާއްޖޭގެ އުތުރާއި މެދުރާއްޖެއަށް ކުރަމުންދާ ވިއްސާރައިގެ ސަބަބުން މި އިވެންޓު ފަސްކުރުމަށް ނިންމާފައިވާ ކަމަށް އާބަންކޯ އިން މީސް މީޑިޔާގައި ވަނީ ބުނެފަ އެވެ. އަދި މި އިވެންޓް ބާއްވާނެ ދުވަހެއް ފަހުން އެ ކުންފުނިން އިއުލާން ކުރާނެ ކަމަށް ވެސް އެކުންފުނިން ވަނީ ބުނެފަ އެވެ.
އާބަންކޯގެ މި ހަރަކާތް މެދުވެރިކޮށް ލިބޭ ހުރިހާ ފައިސާއެއް ހަދިޔާކުރަން ނިންމާފައިވަނީ ފަލަސްތީނުގެ ރައްޔިތުންނަށް އެހީތެރިވުމަށެވެ.
