ޕީޕީއެމް/ޕީއެންސީ ކޯލިޝަނުން ވާދަކުރާ ކެންޑިޑޭޓުން ކަނޑައެޅުމަށް ބާއްވާ ޕްރައިމަރީ ޖެނުއަރީ މަހު
2 ނޮވެމްބަރު 2023 | ބުރާސްފަތި 02:29ޕީޕީއެމް/ޕީއެންސީން މަޖިލީހަށް ނުކުންނަނީ އެކުގައި
ޕީޕީއެމްގެ މިއީ މަގޭ ރާއްޖެ ޖަލްސާގެ ތެރެއިން
ރައްޔިތުންގެ މަޖިލީހުގެ އިންތިހާބުގައި ޕީޕީއެމް/ޕީއެންސީ ކޯލިޝަނުގެ ފަރާތުން ވާދަކުރާ ކެންޑިޑޭޓުން ކަނޑައެޅުމަށް ބާއްވާ ޕްރައިމަރީ އަންނަ އަހަރުގެ ޖެނުއަރީ މަހު ބާއްވާނެ ކަމަށް އެ ކޯލިޝަނުން ބުނެފިއެވެ.
ޕީޕީއެމް/ޕީއެންސީ ކޯލިޝަނުން ބުނީ ޕްރައިމަރީ އޮންނާނީ ޖެނުއަރީ 20, 2024ގައި ކަމަށެވެ. ޓިކެޓަށް ޝައުގުވެރިވާ ޕީޕީއެމް އަދި ޕީއެންސީގެ މެންބަރުން އެކަމަށް އެދި ހުށަހެޅުމުގެ ފުރުސަތު ޑިސެމްބަރު 20ން 31ށް ހުޅުވާލާފައިވާ ކަމަށް ވެސް އެ ކޯލިޝަނުން ބުނެއެވެ.
ޕީއެންސީގެ ރައީސް ކަމަށް ދާދި ފަހުން އައްޔަންކުރައްވާފައިވާ އިންތިޚާބީ ރައީސް ޑރ. މުހައްމަދު މުއިއްޒު ވިދާޅުވެފައިވަނީ އެ މަނިކުފާނުގެ އެންމެ ބޮޑު އަމާޒަކީ އަންނަ އަހަރު ބާއްވާ މަޖިލިސް އިންތިޚާބުގައި ވީހާ ވެސް ގިނަ މެންބަރުން ހޮވައި މަޖިލީހުގެ ސުޕަ މެޖޯރިޓީ ހޯދުން ކަމަށެވެ. މީގެ އިތުރުން، ޕީއެންސީއަށް 10،000 މެންބަރުން ހަމަަކުރަން ވެސް އެމަނިކުފާނު ވަނީ މަސައްކަތް ފައްޓަވާފައެވެ.
މިހާރު މަޖިލީހުގައި ޕީޕީއެމާއި ޕީއެންސީގެ އަށް މެންބަރުން ތިއްބަވައެވެ.
