ޣައްޒާގައި ތާށިވެފައި ތިބި ބޭރުގެ ފަރާތްތައް ޣައްޒާއިން ބޭލުމަށް ރަފާހް ބޯޑަރު މިއަދު ހުޅުވައިފި

މިހުސްވި އޮކްޓޯބަރ މަހުގެ 7 ވަނަ ދުވަހުން ފެށިގެން އިސްރާއީލްގެ ޔަހޫދީ ސިފައިން ޣައްޒާއަށް ދެމުންދާ ހަމަލާތަކުގެ ސަބަބުން ޣައްޒާގައި ތާށިވެފައި ތިބި ބޭރު ގައުމުތަކުގެ ރައްޔިތުން ސަލާމަތުން ބޭލުމަށް ރަފާހް ބޯޑަރު ހުޅުވާލައިފިއެވެ.

އިނގިރޭސި ވިލާތުގެ ފޮރިން ސެކްރެޓަރީ ޖޭމްސް ކްލެވާލީ ވިދާޅުވީ، މީގެ ތިން ހަފުތާ އެއްހާ ދުވަސް ކުރިން ހަނގުރާމަ ފެށި ފަހުން ފުރަތަމަ ފަހަރަށް ޣައްޒާ ހުޅުވާލުމުން މިސްރާއެކު އޮންނަ ރަފާ ބޯޑަރު ހުރަސްކޮށް ބޭރުގެ ބައެއް ބިދޭސީންނަށް ޣައްޒާއިން މިއަދު ނުކުމެވޭނެ ކަމަށެވެ.

ރަފާހު ހުޅުވުމުގެ ކުޑަ އިރުކޮޅެއް ކުރިން އެކްސްގައި ކުރެއްވި ޕޯސްޓެއްގައި ޖޭމްސް ކްލެވާލީ ވިދާޅުވީ، އިނގިރޭސި ވިލާތުގެ ޓީމުތަކާއެކު ބޭރުގެ މީހުންގެ ފުރަތަމަ ބެޗް ޣައްޒާއިން ފުރާނެ ކަމަށް އުއްމީދު ކުރައްވާ ކަމަށެވެ.

ހަފުތާ ބަންދުގައި މިސްރުން ވަނީ އިންސާނީ ސަބަބުތަކަށްޓަކައި ރަފާހު ބޯޑަރު ހުޅުވަން މަޝްވަރާތައް މެދުކެނޑުމެއްނެތި ކުރިއަށް ގެންގޮސްފަ އެވެ. ޣައްޒާ ހުރަސްކުރުމުގެ ފުރުޞަތު ހުޅުވާލުމާއެކު ޣައްޒާއަށް މުހިންމު އެހީތައް އަވަހަށް ދިނުމުގެ މުހިންމުކަމުގެ މައްޗަށް ވަރަށް ވިސްނުންތެރިކަމާއެކު އަލިއަޅުއްވާލެއްވިއެވެ.

މިދިޔަ އޮކްޓޯބަރު މަހުގެ ކުރީކޮޅު ފަލަސްތީނުގެ ހަނގުރާމަވެރި ޖަމާއަތްތަކާ އެކު ހިނގި ހަމަނުޖެހުންތަކާ ގުޅިގެން އިސްރާއީލުން ބޯޑަރު ހުރަސްކުރުން ބަންދުކުރި ފަހުން އެތައް ހާސް ބަޔަކު ވަނީ އެ ސަރަހައްދުގައި ތާށިވެފަ އެވެ.

ރަފާހު ބޯޑަރު ހުޅުވާލުމުން މަރުހަބާ ކިޔަމުން ދިޔަ ނަމަވެސް، ރަފާހު އެކަނި ހުޅުވުމުން ޣައްޒާއަށް ކުރިމަތިވެފައިވާ އިންސާނީ ކުއްލި ނުރައްކަލުގެ ޙާލަތަށް ހައްލެއް ނުލިބޭނެއެވެ. ނަމަވެސް ބޭރުގެ ސަރުކާރުތަކުން އުއްމީދު ކުރަނީ ރެސްޓްރިކްޓެޑް އޮޕަރޭޝަންތަކުން ވެސް ލުޔެއް ލިބޭނެ ކަމަށެވެ.

ހަނގުރާމަ ހުއްޓާލުމުގެ މަސައްކަތް ހުއްޓިފައި އޮތުމުން ބައިނަލްއަގްވާމީ ސަމާލުކަން އޮތީ ރަފާހް ފަދަ ކްރޮސިންތަކުން އެހީ ލިބޭނެ މަގު ފަހިކޮށްދިނުމަށެވެ. ނަމަވެސް މައިގަނޑު ކާރިސާ ހުއްޓުމެއް ނެތި ކުރިއަށް އެބަދެއެވެ.