ވިނީޝިއުސް ޖޫނިއަރ ރެއާލްގެ އެއްބަސްވުން އައުކޮށްފި

ރެއާލް މެޑްރިޑްގެ ބްރެޒިލް ފޯވާޑް ވިނީޝިއުސް ޖޫނިއަރ އެއްބަސްވުން އައުކޮށްފިއެވެ.

އައު އެއްބަސްވުމުގައި ވާގޮތުން 23 އަހަރުގެ ފޯވާޑް 2027 ވަނަ އަހަރުގެ ނިޔަލަށް ރެއާލް މެޑްރިޑްގައި ދެމިހުންނާނެއެވެ. ކުރީގެ އެއްބަސްވުން ހަމަވާން އޮތީ އަންނަ 2024 ވަނަ އަހަރުގެ ނިޔަލަށެވެ. 18 އަހަރުގައި ވިނީޝިއުސް ރެއާލްއާއި ގުޅުނީ 2018 ވަނަ އަހަރު ބްރެޒިލްގެ ފްލެމިންގޯ އިންނެވެ. މިހާތަނަށް ރެއާލް މެޑްރިޑަށް ކުޅުނު 235 މެޗުން 63 ގޯލް ވަނީ ޖަހާފައެވެ. އެމުއްދަތުގައި ލަލީގާ, ސްޕެނިޝް ކަޕް, ކޮޕަ ޑެލްރޭ, ޔޫރަޕިއަން ސުޕަރ ކަޕް އަދި ކްލަބް ވަރލްޑްކަޕްވެސް ވަނީ ރެއާލްއާއެކު ހޯދާފައެވެ.

އެއްބަސްވުން އައު ކުރުމަށްފަހު ވިނީޝިއުސް ބުނީ ކްލަބްގައި ދެމިހުންނަން ސޮއިކުރެވުމަކީ ބޮޑު އުފަލެއް ކަމަށެވެ. އަދި ރެއާލްއާ އެކު ކުރިއަށް ދިއުމަކީ ހުވަފެނެއް ހަގީގަތަކަށް ވަމުން ދިއުންކަމަށް ބުނެފައިވެއެވެ.

ހޯމަ ދުވަހުން ދިން ބެލޮންޑިއޯ އެވޯޑްގައި މޮޅު ކުޅުންތެރިޔާއަށް ވާދަކުރި ލިސްޓްގައި ވިނީޝިއުސް އޮތީ ހަ ވަނާގައެވެ. ދަނޑުން ބޭރުގައި އިންސާނިއްޔަތަށް ކުރާ މަސައްކަތް ފާހަގަކޮށް އެހަފްތާގައި ވިނީޝިއުސް ޖޫނިއަރ އަށް ސޮކްރޭޓްސް އެވޯޑް ދިނެވެ. ވިނީޝިއުސް ޖޫނިއަރގެ ފައުންޑޭޝަނުން ދަނީ ބްރެޒިލްގެ ފަގީރު އާއިލާތަކުގެ ކުދިންނަށް ތައުލީމްގެ ފުރުޞަތު ހޯދައިދެމުންނެވެ.