ޝަރަފުވެރިކަމާއެކު ބާސެލޯނާއަށް އަލްވަދާއު ކިޔަން ފުރުސަތު ލިބެންޖެހޭނެ: މެސީ
31 އޮކްޓޯބަރު 2023 | އަންގާރަ 14:08މެސީ ބުނީ އޭނާގެ ކުއްލި ވަކިވުމަކީ އެހެން ކަހަލަ އިހުސާސެއް ކުރެވުނު ވަކިވުމެއްކަމަށް
ލިއޮނެލް މެސީ
ބާސެލޯނާގެ ސަޕޯޓަރުންނަށް ވަދާއީ ސަލާމް ކުރުމަށް، އެ ކުލަބުގެ ދަނޑުގައި، އެ ޓީމުގެ ޖާޒީގައި މެޗެއް ކުޅުމުގެ ފުރުސަތު އޭނާއަށް ލިބެންޖެހޭނެ ކަމަށް ދުނިޔޭގެ އެންމެ މޮޅު ކުޅުންތެރިޔާ އާޖެންޓީނާގެ ކެޕްޓަން ލިއޮނެލް މެސީ ބުނެފިއެވެ.
އޭނާ މިހެން ބުނީ ފްރާންސްގެ ޕެރިހުގައި ރޭ ބޭއްވި ފީފާ ބެލޮންޑީއޯ އެވޯޑް ހަފުލާގައި، ރެކޯޑް އަދަދެއް ކަމަށްވާ އަށްވަނަ ފަހަރަށް އެވޯޑް ލިބުމަށްފަހު ނޫސްވެރިންނާ ވާހަކަ ދައްކަމުންނެވެ.
ކުލަބުގެ މާލީ އަޑިގަނޑުގެ ސަބަބުން މެސީ 2021 ވަނަ އަހަރު ބާސެލޯނާއާ ވަކިވާން ޖެހުނީ، ކޮންޓްރެކްޓް އާކުރަން ދިޔަފަހުން، ކުއްލި ގޮތަކަށް މަޖުބޫރުވުމުންނެވެ. އެއަށްފަހު އިންޓަމިއާމީގެ ކެޕްޓަން މިދިޔަ ދެ ސީޒަނުގައި ކުޅުނީ ފްރާންސްގެ ޕީއެސްޖީއަށެވެ.
މެސީ ބުނީ ބާސެލޯނާއަކީ މިފަހަރުގެ ޗެމްޕިއަންސް ލީގަށް ވާދަކުރާނެ ޓީމެއް ކަމަށް އޭނާ ޔަގީންކުރާ ކަމަށެވެ.
އޭނާއަށް ވަދާއީ ސަލާމް ކުރުމަށް ޚާއްސަ މެޗެއް ރާވަން ބާސެލޯނާއިން ދަނީ ތައްޔާރުވަމުންނެވެ. އެކަމަކު އެއީ އެ ކުލަބުގެ އައު ސްޓޭޑިއަމް ހުޅުވުމަށް، 2025 ވަނަ އަހަރުއެވެ. މި ފުރުސަތު އޭނާއަށް ފަހިކޮށްދޭން އިންޓަމިއާމީގެ އިސްވެރިންވެސް ތިބީ ތައްޔާރަށެވެ.
