ޣައްޒާ ސިޓީބޭރުގައި ފަލަސްތީނުގެ ހަނގުރާމަވެރިންނާއި އިސްރާއީލު ސިފައިންނާ ދެމެދު ކުރިމަތިލުންތަކެއް ހިނގައިފި
30 އޮކްޓޯބަރު 2023 | ހޯމަ 12:19އިސްރާއީލުން ބުނީ ހަމާސްއާއި ހަމާސްއަށް އެހީތެރިވާ އެންމެ މަރާނެ ކަމަށް
ޣައްޒާގެ އިރުމަތީގެ އޮންނަ އަލްބާބުލް ޒަވާލީގައި ހަމަލާތައް ބަދަލު ކޮށްފައިވޭ
ފަލަސްތީނުގެ ހަނގުރާމަވެރި ޖަމާއަތްތަކާއި އިސްރާއީލުގެ އެއްގަމު ސިފައިންނާ ދެމެދު ޣައްޒާ ސިޓީގެ ދެކުނުގެ ސަރަހައްދުގައި ހަމަނުޖެހުންތަކެއް ހިނގައިފި އެވެ.
ޣައްޒާއިން ރިޕޯޓްކުރާ އަލްޖަޒީރާގެ ނޫސްވެރިޔާ ސަފްވަތު ކަހްލޫތު ބުނީ އިސްރާއީލުގެ ޓޭންކުތަކުން އެ ސިޓީގެ ބޭރުގައި ޕޮޒިޝަންތައް ނަގަމުން ދާއިރު، ދުރުން ގަދަ އަޑުފައްގަނޑާއެކު ބޮން ގޮއްވުމާއި ގަދަޔަށް ބަޑީގެ އަޑުފައްގަނޑު އިވޭ ކަމަށެވެ. ފައުޖުތަކުން ގަސްތަކާއި ޖަންގަލިތެރެ ސާފުކުރަމުން ދިޔަތަން ފެނުނުއިރު ބެލެވެނީ ކުރިއަށް ޖެހުމަށް ވަމުންދާ ތައްޔާރީ ތަކެއްގެ ގޮތުގައި ކަމަށް އެ ނޫސްވެރިޔާ އަލްޖަޒީރާއަށް ބުނެފައިވެއެވެ.
ޖަޒީރާގެ ނޫސްވެރިޔާ ކަހްލޫތު ބުނީ ޣައްޒާގެ ގިނަ ރައްޔިތުންތަކެއް ދިރިއުޅެމުންދާ އެ ސަރަހައްދު ހުސްކުރުމަށް އިޒްރޭލުން ގޮވާލާފައިވާ ކަމަށެވެ. އިސްރާއީލް ސިފައިންނާ ކުރިމަތިލި ފަލަސްތީނުގެ ޖަމާއަތްތައް އިސްރާއީލު ސިފައިންގެ ބަޑީގެ ހަމަލާތަކުގެ ދަށަށް ދިއުމުން ގިނަ ބަޔަކު ތިބީ އެތަނުން ދިއުމަށް ވަރަށް ބޮޑަށް ބޭނުންވެފަ އެވެ.
ބޮމުގެ ހަމަލާތައް ދެމުންދާއިރު އިޒްރޭލުން ވަނީ އެއްގަމު މަގުންވެސް ހަމަލާތައް ދޭނެ ކަމުގެ އިންޒާރު ދީފައެވެ. އެގޮތުން މިހަމަލާތަކަކީ އެއްގަމުމަގުން އެރުމަށް ފަސޭހަ ދިމާއެއް ބެލުމުގެ ނިޔަތުގައި ކުރިއަށްގެންދާ ހަރަކާތެއް ކަމަށް ބެލެވޭ ކަމަށްވެސް އެނޫސްވެރިޔާ ބުންޏެވެ.
ޣައްޒާ ސިޓީގެ އައްސޭރިފަށުގައި ހިނގަމުންދާ ހަމަނުޖެހުންތަކަކީ އިސްރާއީލު ސިފައިން ކުރިއަށް ދާން ނިންމައިފިނަމަ، އެއްގަމު ހަމަލާތައް ވަރަށް ވަރުގަދަކޮށް ހަނގުރާމަ އިތުރަށް ފުޅާވެދާނެކަމަށް ތަޖުރިބާކާރުން ދެކެއެވެ. އެކިއެކި ސަރަޙައްދުތަކުން މީހުން ހުސްކުރަން އިސްރާއީލް ސިފައިން އެންގި ނަމަވެސް ޣައްޒާގައި އެކަން އެންމެ އެކަށީގެންވާ ގޮތުގައި ކުރިއަށް ނުދާކަމަށް ރިޕޯޓްތައް ބުނެއެވެ.
އިސްރާއީލްގެ ހަމަލާތަކުގައި ފަލަސްތީނުން 8000ށް ވުރެ ގިނަ މީހުން މިހާތަނަށް ޝަހީދުވެފައިވާއިރު، ހަމަލާތައް ދަނީ އިތުރުވަމުންނެވެ. އިސްރާއީލުން ބުނަނީ ހަމަލާ ދިނުން ހުއްޓާނީ ހަމާސްއާއި ހަމާސްއަށް ވާގިވެރިވާ ހުރިހާ ހަނގުރާމަވެރިން މަރާފައި ކަމަށެވެ.
ފަލަސްތީނުގެ އޮފިޝަލުން ބުނީ ޣައްޒާގައި ދިރިހުރި އެންމެ ފުރާނައެއް ހުއްޓައިވެސް ފަލަސްތީނަށް އިސްރާއީލުން ދެމުންދާ ހަމަލާތައް ހުއްޓައި ނުލާނެކަމަށް ބެލެވޭކަމަށެވެ.
