އަޔެކްސް ބަލިކޮށް، ބްރައިޓަން އަށް ޔޫރަޕްގައި ތާރީޚީ ފުރަތަމަ މޮޅު

ޔޫރޮޕާ ލީގުގައި އަޔެކްސް ބަލިކޮށް, ބްރައިޓަން އިން ޔޫރަޕްގައި ތާރީޚީ ފުރަތަމަ މޮޅު ހޯދައިފިއެވެ.

ބްރައިޓަން ފުރަތަމަ މޮޅުހޯދީ އަމިއްލަ ދަނޑުގައި ވަރުގަދަ ސަޕޯޓަރުންގެ ކްރައުޑެއްގެ ތެރޭގައި 2-0 ން ޔޫރަޕްގެ ކުރީގެ ގަދަ ބާރު އަޔެކްސްގެ މައްޗަށް ކުރިހޯދައިގެންނެވެ. މެޗުގައި ބްރައިޓަންއަށް ފުރަތަމަ ލަނޑުޖަހާ ކުރިހޯދައިދިނީ ޔޯ ޕެޑްރޯއެވެ. މިއީ އޭނާ ޔޫރޮޕާ ލީގުގައި ޖެހި ހަތަރު ވަނަ ގޯލެވެ. އޭނާ ލީޑް ނަގައިދިނީ ފުރަތަމަ ހާފް ނިމެން ތިން މިނިޓަށް ވެފައިވަނިކޮށެވެ. ބްރައިޓަންގެ ދެވަނަ ލަނޑު ޖަހާ މޮޅު ޔަޤީންކޮށްދިނީ ބްރައިޓަން އަށް ބަދަލުވެ މޮޅަށް ކުޅެމުން އަންނަ އަންސޫ ފާޓީއެވެ. މެޗަށްފަހު ބްރައިޓަންގެ ކޯޗު ރޮބާޓޯ ޑި ޒާބީ ބުނީ ބްރައިޓަންއަށް ޔޫރަޕްގައި ފުރަތަމަ މޮޅު ހޯދިއްޖެ ކަމަށެވެ.

އަޔެކްސް އަތުން މޮޅުވުމުގެ މިސީޒަންގެ ޔޫރޮޕާ ލީގުގައި ބްރައިޓަން ކުޅުނު ދެމެޗުގެ ތެރެއިން އެއް މެޗުން ބަލިވެ, އެއް މެޗު އެއްވަރުވީއެވެ. ބަލިވީ ފުރަތަމަ މެޗުގައި އޭއީކޭ އެތެންސް އަތުންނެވެ. ދެވަނަ މެޗުގައި މާސޭއާ ވާދަކޮށް ވީއެއްވަރެވެ. އަޔެކްސް އަތުން ލިބުނު މޮޅާއެކު ގްރޫޕް ބީގައި ބްރައިޓަން އޮތީ ހަތަރު ޕޮއިންޓާއެކު ތިން ވަނައިގައެވެ. އެއްވަނައިގައި އޮތް މާސޭއާ ދެމެދު އޮތީ ޕޮއިންޓެއްގެ ފަރަގެކެވެ. ދެވަނައިގައި އޮތް އޭއީކޭ އެތެންސްއާ ދެމެދު އޮތީ ގޯލްގެ ތަފާތެވެ.