ބޯޅައާ ނުލައި މާޒިޔާ ގަދައެއްނޫން: އޮޑިއްސާ ކޯޗު

އޭއެފްސީ ކަޕުގައި މިއަދު ރާއްޖޭގެ މާޒިޔާއާ ދެކޮޅަށް ނުކުންނައިރު އެއީ ބޯޅަ ނެތީސް ގަދަ ޓީމެއްނޫން ކަމަށް އިންޑިޔާގެ އޮޑިއްސާގެ ކޯޗު ސާޖިއޯ ލޮބެރާ ބުނެފި އެވެ.

މިއަދު ހަވީރު އިންޑިޔާގައި ކުޅޭ މެޗާ ބެހޭ ގޮތުން ވާހަކަ ދައްކަމުން ކޯޗު ބުނީ މާޒިޔާ ގަދައީ ބޯޅަ އެމީހުންގެ އަތުގައި އޮންނަ ވަގުތު ކަމަށާއި މިހެންވެ މުހިންމީ ބޯޅަ ހިފަހައްޓައިގެން ޕޮޒިޝަން ފުޓްބޯޅައެއް ކުޅުން ކަމަށެވެ.

މި މެޗަށް ނުކުންނައިރު އޮޑިއްސާ އޮތީ ކުޅުނު ދެ މެޗުން ވެސް ބަލިވެ ގްރޫޕުގެ ފުލުގަ އެވެ. މާޒިޔާ އޮތީ ދެ މެޗުން ތިން ޕޮއިންޓާއެކު ދެ ވަނާގަ އެވެ. މިހެންވެ ކޯޗު ބުނީ މެޗުގެ މުހިންމުކަން ވަރަށްބޮޑު ކަމަށާއި މިއީ ތިން ޕޮއިންޓް ހޯދަން ލިބޭ ރަނގަޅު ފުރުސަތެއް ކަމަށް ބަލާ ކަމަށެވެ.