ކޯރަމް ހަމަނުވެގެން މަޖިލީހުގެ ޖަލްސާ ނުފެށުނު
24 އޮކްޓޯބަރު 2023 | އަންގާރަ 07:50ޓޫއަރިޒަމް ބެހޭ ޤާނޫނަށް އިޞްލާޙު ގެނައުމުގެ ބިލަށް ބަހުސްކުރުންވެސް މިއަދުގެ ޖަލްސާއަށް ވަނީ އެޖެންޑާކޮށްފަ
އީވާ އަބްދުﷲ - ރައްޔިތުންގެ މަޖިލީހުގެ ނާއިބު ރައީސް
ރައްޔިތުން މަޖިލީހުގެ މިއަދުގެ ޖަލްސާވެސް ކޯރަމް ހަމަނުވެގެން ކުރިއަށް ނުގެންގޮސް ކެންސަލްކޮށްފިއެވެ.
ޖަލްސާގެ ރިޔާސަތު ބެލެހެއްޓެވީ މަޖިލީހުގެ ނާއިބު ރައީސް އީވާ އަބްދުﷲ އެވެ.
މަޖިލީސް ފެށުމަށް ހަމަޖެހިފައިވާ ގަޑި ޖެހުނު އިރުވެސް 22 މެންބަރުން ހަމަނުވާތީ އީވާ ވަނީ ޖަލްސާ ކުރިއަށް ގެންދެވެން ނެތް ކަމަށް އިއުލާން ކުރައްވާފައެވެ.
އެހެންނަމަވެސް ޖަލްސާ އަށް މިއަދު ވަޑައިގެންނެވީ ކިތައް މެންބަރުންކަންވެސް އީވާ ހާމަކުރައްވާފައެއް ނުވެއެވެ.
މަޖިލީހުގެ މިއަދުގެ ޖަލްސާއަށް އެޖެންޑާކޮށްފައިވާ ކަންކަމުގެ ތެރޭގައި 2023 ވަނަ އަހަރަށް ލަފާކޮށް ހުށަހަޅި ސަޕްލިމެންޓްރީ ބަޖެޓްގެ ހުށަހެޅުން ހިމެނެއެވެ.
އަދި ދިވެހިރާއްޖޭގެ ޓޫއަރިޒަމް ބެހޭ ޤާނޫނަށް އިޞްލާޙު ގެނައުމުގެ ބިލަށް ބަހުސްކުރުން ވެސް މިއަދުގެ ޖަލްސާއަށް ވަނީ އެޖެންޑާކޮށްފައެވެ.
