ތުރުކީގެ ރައީސް ޑރ.މުއިއްޒު އަށް ގުޅުއްވުން - ފަލަސްތީނުގެ ހާލަތާއި މެދު ވާހަކަދެއްކެވި
ފަލަސްތީނަށް ބޭނުންވާ އިންސާނީ އެހީ ފޯރުކޮށްދިނުމަށް ތުރުކީވިލާތުން ކުރެވެންހުރި ހުރިހާ މަސައްކަތެއް ކުރަމުންދާކަމަށް އުރުދުޣާން ވިދާޅުވި
މުއިއްޒު އާއި އުރުދުޣާން
އިންތިޚާބީ ރައީސުލްޖުމްހޫރިއްޔާ ޑރ. މުޙައްމަދު މުޢިއްޒާއި ތުރުކީގެ ރައީސް ރަޖަބް ޠައްޔިބު އުރުދުޣާންއާ ދެ ބޭފުޅުން ފަލަސްތީނުގެ ހާލަތާމެދު ވާހަކަފުޅު ދައްކަވައިފިއެވެ.
ހޮނިހިރު ދުވަހު ފޯނުން ގުޅުއްވާ ޑރ. މުޙައްމަދު މުޢިއްޒު 2023 ވަނަ އަހަރުގެ ރިޔާސީ އިންތިޚާބު ކާމިޔާބުކުރައްވާފައި ވާތީ އެމަނިކުފާނަށް އުރުދުޣާން ވަނީ މަރުޙަބާ ދަންނަވާފައެވެ.
މީގެ އިތުރުން އެ ފޯނު ކޯލުގައި އިސްރާއީލުން ފަލަސްތީނަށް ދެމުންދާއި ހަމަލާތަކާއި ގުޅޭގޮތުންނާއި މެދުއިރުމަތީގެ މަސްރަހާއި ގުޅޭގޮތުން ވާހަކަދެއްކެވިއެވެ.
މީގެ އިތުރުން އިންސާނީ އެހީ ފޯރުކޮށްދިނުމަށް ދިމާވާ ގޮންޖެހުންތަކާގުޅޭގޮތުން ވާހަކަފުޅުދައްކަވާފައިވެއެވެ. އެ ފޯނުކޯލުގައި ފަލަސްތީނަށް ބޭނުންވާ އިންސާނީ އެހީ ފޯރުކޮށްދިނުމަށް ތުރުކީވިލާތުން ކުރެވެންހުރި ހުރިހާ މަސައްކަތެއް ކުރަމުންދާކަމަށް އުރުދުޣާން ވަނީ ވިދާޅުވެފައެވެ. ހަމައެހެންމެ މެދުއިރުމަތީގައި ސުލްޙައާއި ހަމަޖެހުން ޤާއިމުކުރުމަށް ވެސް އެ ޤައުމުން މަސައްކަތް ކުރާ ކަމަށް ވިދާޅުވިއެވެ.
ޑރ،މުއިއްޒު އަށް މީގެ ކުރިން ވެސް ޤައުމުތަކުގެ އިސް ވެރިން ވަނީ އިންތިޚާބު ކާމިޔާބު ކުރެއްވުމާއި ގުޅިގެން މަރުޚަބާ ދަންނަވާފައެވެ.
