ލ. ހިތަދޫ އާއި ކުނަހަންދޫ ގުޅާލާ ކޯޒްވޭގެ މަސައްކަތް އަވަސްކޮށްދިނުމުގެ ގަރާރު ކޮމިޓީ އަށް
ގަރާރު ބަލައިގަންނަން ފެންނަ ކަމަށް ވޯޓު ދެއްވީ 38 މެމްބަރުން
މަޖިލީހުގެ ޖަލްސާއެއްގައި މެމްބަރު ސައީދު
ލ. ހިތަދޫ އާއި ކުނަހަންދޫ ގުޅުވާލުމަށް ހަމަޖެހިފައިވާ ކޯޒްވޭގެ މަސައްކަތް އަވަސްކޮށްދިނުމަށް ގޮވާލައި ހުށަހަޅާ ޤަރާރުގެ ބަހުސް ކުރިއަށްގެންދަވައި ޤަރާރު މަޖިލީހުން ބަލައިގަނެފިއެވެ.
އެ މައްސަލަ އަކީ މާވަށު ދާއިރާގެ މެންބަރު މުޙައްމަދު ސަޢީދު ހުށަހަޅުއްވާފައިވާ މައްސަލައެކެވެ.
ލ. ހިތަދޫ އާއި ކުނަހަންދޫ ގުޅުވާލުމަށް ހަމަޖެހިފައިވާ ކޯޒްވޭގެ މަސައްކަތް އަވަސްކޮށްދިނުމަށް ގޮވާލައި ހުށަހަޅާ ޤަރާރުގެ ބަހުސް ހޯމަ ދުވަހު ވަނީ ކުރިއަށް ގެންގޮސްފައެވެ. އެ ގަރާރު ބަލައިގަތުމަށް ފެންނަ ކަމަށް ވޯޓު ދެއްވި މެންބަރުންގެ އަދަދަކީ 39އެކެވެ. އެ ގަރާރު ފާސްވުމަށް ބޭނުންވާ އަދަދަކީ 20އެވެ. އެހެންކަމުން އެ ގަރާރު ދިރާސާކުރުމަށް ގައުމީ ތަރައްގީއާއި ތަރިކާގެ ކޮމެޓީއަށް ވަނީ ފޮނުވާފައެވެ.
މީގެ އިތުރުން މާވަށު ދާއިރާގެ މެންބަރު މުޙައްމަދު ސަޢީދު ހުށަހަޅުއްވާފައިވާ، ލ.ކުނަހަންދޫ އިންޖީނުގެ އާއި ނަރުދަމާގެ މަސައްކަތް ހުއްޓިފައިވާތީ މި މަސައްކަތް އަވަސްކޮށްދިނުމަށް ގޮވާލައި ހުށަހަޅާ ޤަރާރުގެ ބަހުސް ކުރިއަށްގެންދެވުން މަޖިލީހުން ބަލައިގަތުމާއި ގުޅޭގޮތުން ވެސް ހޯމަ ދުވަހު ވޯޓުނެގިއެވެ. އެ ގަރާރު ބަލައިގަންނަން ފެންނަ ކަމަށް ވޯޓު ދެއްވީ 38 މެމްބަރުންނެވެ. އެ ގަރާރު ދިރާސާ ކުރުމަށް ގައުމީ ތަރައްގީއާއި ތަރިކާގެ ކޮމެޓީއަށް ވަނީ ފޮނުވާފައެވެ.
ދެން މަޖިލީހުގެ ޖަލްސާއެއް އޮންނާނީ 18 އޮކްޓޫބަރު ވާ ބުދަ ދުވަހުއެވެ.
