މުޅި އުންމަތް އެއްބައިވެ އެކަތިގަނޑަކަށްވާންވީ ވަގުތު މިއޮތީ ޖެހިފަ - އިމްރާން
ފަލަސްޠީން ރައްޔިތުންނަށް އެހީވުމަށް އެންމެން މަސައްކަތްފެށުމަށް އެމަނިކުފާނު އިލްތިމާސްކުރެއްވި
ތޫނު ހަތިޔާރު ބޭނުންކޮށްގެން ކުށްކުރާ ގުރޫޕުތަކުން 2014ގައި 267 އަދި މިއަހަރުގެ މިހާތަނަށް 151 މާރާމާރީ ހިންގާފައިވޭ: މިނިސްޓަރު އިމްރާން
މުުޅި އުންމަތް އެއްބައިވެ އެކަތިގަނޑަކަށްވާންވީ ވަގުތު މިއޮތީ ޖެހިފަކަމަށް ހޯމް މިނިސްޓަރ އިމްރާން އަބްދުﷲ ވިދާޅުވެއްޖެއެވެ.
މިނިސްޓަރ އިމްރާން ކުރެއްވި ޓްވީޓެއްގައި ވިދާޅުވީ ފަރުދީ ތަފާތު ތަކާ މަސްލަޙަތުތައް އެއްފަރާތް ކޮށްގެން މެނުވީ އުންމަތުގެ ކަރާމަތާއި، ޝަރަފާ،އިއްޒަތް ސަލާމަތްވާނެ ހަމަ އެއްގޮތެއްވެސް ނެތް ކަމަށެވެ.
އަދި ކޮންމެ މުސްލިމަކު އެމީހެއްގެ ދައުރު ފުރިހަމައަށް އަދާކުރަން އިމްރާން އިލްތިމާސްކުރެއްވިއެވެ.
އިމްރާން އެފަދައިން ވިދާޅުވީ މިހާރު ފަލަސްތީނައީ ޣައްޒާ އާއި ދެމެދު ކުރިއަށްދާ ހަނގުރާމައަށް އިޝާރާތްކުރައްވައެވެ.
މީގެ ކުރިން މި މައްސަލައިގައި އިމްރާޏް ވިދާޅުވީ ފަލަސްތީން މައްސަލައަކީ މުޅި އުންމަތާ ގުޅުންހުރި މައްސަލައެއް ފަލަސްޠީން ރައްޔިތުން ހާލުގަ ޖެހި ކާނެ އެއްޗެއް،ބޭސްކުރާނެ ގޮތެއް ނެތި މަރުވަން ދޫކޮށްފައި ބަލައިގެން ތިބުމަކީ މުއުމިނުންގެ ހިތައް ކުޅަދާނަ ވާނެ ކަމެއްނޫން ކަމަށެވެ.
އެހެންކަމުން ފަލަސްޠީން ރައްޔިތުންނަށް އެހީވުމަށް އެންމެން މަސައްކަތްފެށުމަށް އެމަނިކުފާނު އިލްތިމާސްކުރެއްވިއެވެ.
