އެމްޓީސީސީގެ އާމްދަނީ މި ކުއަރޓާގައި ބޮޑުތަނުން ދަށަށް
ފާއިތުވި ހަތަރު އަހަރު އެ ކުންފުނިން އައީ މާލީ ގޮތުން ފައިދާ ހޯދަމުންނެވެ.
މި އަހަރުގެ ދެ ވަނަ ކުއަރޓާގެ އާމްދަނީ މިދިޔަ އަހަރުގެ ދެވަނަ ކުއާޓައާ އަޅާ ކިޔާ ނަމަ އާމްދަނީ ވަނީ 32 ޕަަސެންޓަށް ދަށްވެފަ
އެމްޓީސީސީ ޓަވަރ - ފާއިތުވި ހަތަރު އަހަރު އެ ކުންފުނިން އައީ މާލީ ގޮތުން ފައިދާ ހޯދަމުން
އެމްޓީސީސީގެ އާމްދަނީ މި އަހަރުގެ ދެވަނަ ކުއަރޓަރގައި ވަރަށް ބޮޑަށް ދަށްވެއްޖެއެވެ.
އެމްޓީސީސީގެ ތަފާސް ހިސާބުތައް ދައްކާގޮތުން މި އަހަރުގެ ދެ ވަނަ ކުއާޓަރުގައި އެ ކުންފުންޏަށް އާމްދަނީގެ ގޮތުގައި ލިބިފައި ވަނީ 497 މިލިއަން ރުފިޔާ އެވެ. އެއީ މި އަހަރުގެ ފުރަތަމަ ކުއާޓާއަށް ވުރެ 25 ޕަސެންޓް ދަށް އަދަދެއްކަން ފާހަގަކޮށްލެވެއެވެ. މި އަހަރުގެ ފުރަތަމަ ކުއާޓާގައި އެ ކުންފުންޏަށް 664 މިލިއަން ރުފިޔާގެ އާމްދަނީއެއް ވަނީ ލިބިފައެވެ. މިދިޔަ އަހަރުގެ ދެވަނަ ކުއާޓާގައި އެމްޓީސީސީއަށް ލިބިފައި ވަނީ 727 މިލިއަން ރުފިޔާގެ ފައިދާއެކެވެ. މި އަހަރުގެ ދެ ވަނަ ކުއަރޓާގެ އާމްދަނީ މިދިޔަ އަހަރުގެ ދެވަނަ ކުއާޓައާ އަޅާ ކިޔާ ނަމަ އާމްދަނީ ވަނީ 32 ޕަަސެންޓަށް ދަށްވެފައެވެ.
މިއަހަރުގެ ދެވަނަ ކުއާޓާގައި އާމްދަނީ ދަށްވީ އެ ކުންފުނީގެ ޖުމްލަ ހަރަދުތައް ބޮޑުވުމާއި ގުޅިގެންނެވެ. އެގޮތުން މާކެޓިން އާއި އެޑްމިނިސްޓްރޭޓިވް ހަރަދުތައް ވެސް ވަނީ ފުރަތަމަ ކުއަރޓާ އަށް ވުރެ އިތުރުވެފައެވެ. ފުރަތަމަ ކުއާޓާގައި އެ ކުންފުންޏަށް ވަނީ ފަސް މިލިއަން ރުފިޔާގެ ފައިދާއެއް ލިބިފަ އެވެ.
މިދިޔަ އަހަރު އެ ކުންފުންޏަށް ފައިދާގެ ގޮތުގައި ލިބުނީ 97 މިލިއަން ރުފިޔާއެވެ. އޭގެ ކުރިން އެ ކުންފުންޏަށް ލިބިފައި ވަނީ 196 މިލިއަން ރުފިޔާގެ ފައިދާއެވެ. ފާއިތުވި ހަތަރު އަހަރު އެ ކުންފުނިން އައީ މާލީ ގޮތުން ފައިދާ ހޯދަމުންނެވެ.
