ވަޒީފާ ނެތް ޒުވާނުންނަށް ސަލްވާ ޚާއްޞަ ވަނީ ކީއްވެ؟

ދޫނިތަކުގެ އާބާދީއިން އެ ދޫންޏެއްގެ ވާހަކަ، މާތް ވެގެންވާ ކީރިތި ޤުރުއާންގައިވެސް ބަޔާންވެގެންވާ އެއް ދޫންޏަކީ ސަލްވާ ނުވަތަ ކުއެލް ދޫންޏެވެ. ސަލްވާއަކީ ހިޖުރަވެރި ދޫންޏަކަށް ވާ އިރު، ސަލްވާގެ ހިޖުރައިގެ މޫސުމަށް އެންމެ ފޯރީގައި ތައްޔާރު ވަމުން ދާ އެއްބަޔަކީ ޣައްޒާގެ ރަށްވެހިންނެވެ.

ސަލްވާގެ ހިޖުރައިގެ މޫސުމާ ދިމާކޮށް، ޣައްޒާގެ ޝިކާރަ ކުރާ މީހުން އަވަދި ނެތި އުޅެމުން ދަނީ އެފަދަ ދޫނިތައް ހިފޭތޯއެވެ. ބޮޑެތި ދާގަނޑުތައް ޖަހައިގެން އެ މަސައްކަތުގައި ދެމި ތިބީ، ރަނގަޅު އަގެއްގައި ދޫނިތައް ވިއްކަލުމުގެ ބޭނުމުގައެވެ. ސަލްވާއަކީ ޣައްޒާގެ ސުފުރާ މައްޗަށް ޚާއްޞަ ދޫންޏެކެވެ.

ޣައްޒާގެ އައްސޭރިފަށުގެ ސަރަހައްދުގައި 200 މީޓަރު ދިގަށް އަދި 2 މީޓަރުގެ އުސްމިނަށް ދާގަނޑު އޮންނަނީ ދަމާލާފައެވެ. އެގޮތަށް އެކަން ކުރުމުން، ގިނަ ޢަދަދެއްގެ ދޫނި ހިފާ ދާގަނޑުތަކުގައި އެތައް ދޫންޏެއް ޖެހިފައި ހުރެއެވެ. އެ ސަލްވާތަކަކީ ވިލާތުގެ ފިނި މޫސުމަށް، މެދުއިރުމައްޗަށް ހިޖުރަ ކުރަމުން ދާ ދޫނިތަކެވެ.

ދަތުރުގެ ވަކި ހިސާބަކުން، ވަރުބަލި ފިލުވާލާނެ މަންޒިލަކަށް ދޫނިތައް ތިބެނީ ބަލަބަލައެވެ. ގަސްތަކުގެ ތެރޭގައި އަރާމުކޮށްލަން މަޑުޖެހިލުމާއެކުގައި ހެން އެ ދޫނިތަކުގެ ސަމާލުކަން ދަމައިގަންނަނީ ސައުންޑް މެޝިނެއްގެ އެހީގައި ދުރަށް ފޮނުވަމުން ދާ، ދޫނިތަކުގެ ހިތްގައިމު ގޮވުމުގެ އަޑުތަކެވެ. އެ އަޑުތަކަށް ހެއްލެމުން، އެ އަޑު ގެންދާ މިޞްރާބަށް ދަތުރު ކުރަމުން ގޮސް، ސަލްވާތައް، ދަލުގައި ޖެހެއެވެ.

ޣައްޒާގެ ފަސްގަނޑުގައި ބޮޑުވާ ސަލްވާގެ އަގަކީ 5 ޝެކްލްސް (1.3 ޑޮލަރު) ކަމަށް ވީ ނަމަވެސް، ހިޖުރައިގެ ދަތުރުމަތިން އަތުލައިގަންނަ ސަލްވާގެ އަގު، 20 ޝެކްލްސް (5.2) ޑޮލަރަށްވެސް އަރައެވެ. މިކަމަކީ، ޣައްޒާގައި ވަޒީފާއެއް ނެތިފައި ތިބި ޒުވާނުންގެ އަތްމަތި ތަނަވަސްކޮށްލުމަށް އެ މީހުން ލިބިގަންނަ ރަނުގެ ފުރުޞަތަށް އޮންނަނީ ވެފައެވެ.

ކަން މިހެން އޮތް ނަމަވެސް، ދަލުގައި ޖެހޭ ކޮންމެ ސަލްވާއަކީ ވިއްކާލާ ސަލްވާއެއް ނޫނެވެ. އަތްމަތި ކިތަންމެ ދަތިވި ނަމަވެސް، ޣައްޒާގެ ރަށްވެހިން ދައްކައި ދެމުން ދަނީ ރީތި މިސާލެކެވެ. އަނެކާގެ މުދަލަށް އިޚުތިރާމު ކުރުމުގެ ރީތި މިސާލެކެވެ.

ވަޒީފާ ނުލިބުމުގެ މައްސަލައަކީ ޣައްޒާގެ ޒުވާނުންގެ މެދުގައިވެސް ބޮޑުވެފައި އޮތް މައްސަލައެކެވެ. އދގެ ތަފާސް ހިސާބުތަކުން ދައްކާ ގޮތުން މުޅި ދުނިޔޭގެ ނިސްބަތުންވެސް ވަޒީފާ ނެތް މީހުންގެ ޢަދަދު އެންމެ ގިނަ މަންޒިލްތަކުގެ ތެރޭގައި ޣައްޒާ ހިމެނެއެވެ. ޣައްޒާގެ އާބާދީގެ 46.6 ޕަސެންޓް މީހުންނަކީ ވަޒީފާއެއް ނުލިބި ތިބި މީހުންނެވެ.