އެމްޑީޕީގެ މެންބަރުންނާއި ކެންޕެއިން ޓީމުތައް ވަރުގަދަކޮށް ތިއްބަވާ: މަޚުލޫފް
އިންތިޚާބުގެ ނަތީޖާއިން ވަރަށް ގިނަ ކަންކަން ސާފުވެފައިވޭ
ޔޫތު މިނިސްޓަރު އަހުމަދު މަޚުލޫފް
އެމްޑީޕީގެ ހުރިހާ މެންބަރުންނާއި ރަށް ރަށުގެ ކެންޕެއިން ޓީމުތައް ވަރުގަދަކޮށް ތިބުމަށް ޔޫތު މިނިސްޓަރު އަހުމަދު މަޚުލޫފް އެދިވަޑައިގެންފިއެވެ.
މަޚުލޫފް އެގޮތަށް އެދިވަޑައިގެންފައިވަނީ އާދިއްތަ ދުވަހުގެރޭ ރާއްޖެ ޓީވީގެ "ފަލަސުރުޚީ" ޕްރޮގްރާމްގައި ވާހަކަފުޅު ދައްކަވަމުންނެވެ.
ޕްރޮގްރާމްގައި ވާހަކަފުޅު ދައްކަވަމުން މަޚުލޫފް ވިދާޅުވީ، މިފަހަރުގެ އިންތިޚާބުގެ ނަތީޖާއިން ވަރަށް ގިނަ ކަންކަން ސާފުވެވަޑައިގެންފައިވާ ކަމަށެވެ. މަޚުލޫފް ވަނީ އިންތިޚާބަށްފަހު ގިނަ ބައްދަލުވުންތައް ބޭއްވި ކަންކަން ރަނގަޅު ކުރަމުންދާ ކަމަށް ވިދާޅުވެފައެވެ.
މަޚުލޫފް ވިދާޅުވީ މިހާރު އިދިކޮޅުން ދައްކާނެ އެއް މަންޒަރަކީ އިދިކޮޅުން މޮޅުވާ މަންޒަރު ކަމަށެވެ.
އެހެންކަމުން އެމްޑީޕީގެ ހުރިހާ މެންބަރުންނާއި ރަށް ރަށުގެ ކެންޕެއިން ޓީމުތައް ވަރުގަދަކޮށް ތިބުމަށް މަޚުލޫފް ނަސޭހަތްތެރިވެވަޑައިގެންނެވިއެވެ.
މަޚުލޫފް އިތުރަށް ވިދާޅުވީ، މިހާރު އެންމެ ބޮޑަށް އޮތީ ކޯލިޝަންގެ ވާހަކަ ކަމަށާއި އެކަމަށް ރައީސުލްޖުމްހޫރިއްޔާ އިބްރާހީމް މުޙައްމަދު ސާލިޙު ވެސް ޕާޓީގެ ތެރެއިން ކުރައްވަން ޖެހިވަޑައިގަންނަވާ މަސައްކަތްޕުޅުތައް ކުރައްވާނެ ކަމަށެވެ.
