ސެވިއްޔާގެ ސަޕޯޓަރުން ކިބައިން ރާމޯސް މައާފަށް އެދިއްޖެ
4 ސެޕްޓެމްބަރު 2023 | ހޯމަ 16:40އޭނާ ވަނީ 18 އަހަރަށްފަހު އަލުން ސެވިއްޔާއަށް ކުޅެން ސޮއިކޮށްފައި
އަބްދުﷲ އަޒުމީން | 4 ސެޕްޓެމްބަރު 2023 | ހޯމަ 16:40
ރާމޯސް، ސެވިއްޔާއަށް ސޮއިކުރުމަށްފަހު
އޭނާގެ ރަސްމީ ފުރަތަމަ ކުލަބު ކަމަށްވާ ސެވިއްޔާގެ ސަޕޯޓަރުންގެ ކިބައިން ސާޖިއޯ ރާމޯސް މައާފަށް އެދިއްޖެއެވެ.
އޭނާ މިކަން ކުރީ، ސައޫދީ އަރަބިއްޔާގެ ކުލަބުތަކުން އަގުބޮޑު ހުށަހެޅުންތަކެއް ލިބިލިބި އޮއްވައި 18 އަހަރަށްފަހު ސެވިއްޔާއަށް ކުޅެން އެއްބަސްވުމަށްފަހުއެވެ.
ރާމޯސްއަކީ 2004 ވަނަ އަހަރު ރެއާލް މެޑްރިޑަށް ބަދަލުވުމުގެ ކުރިން ދެ ސީޒަނެއްގައި ސެވިއްޔާއަށް ކުޅުނު ކުޅުންތެރިއެކެވެ. އޭނާ އަލުން ސެވއްޔާއާ ގުޅުނީ ފްރާންސްގެ ޕީއެސްޖީގައި ދެ ސީޒަން ކުޅުމަށްފަހުއެވެ.
ރެއާލް މެޑްރިޑްގައި ގިނަ ކާމިޔާބީތަކެއް ހޯދި ރާމޯސްއަކީ 2010 ވަނަ އަހަރުގެ ވޯލްޑްކަޕް އަދި 2012 ވަނަ އަހަރުގެ ޔޫރޯ ކާމިޔާބުކުރި ސްޕޭން ޓީމުގެ މުހިންމު ކުޅުންތެރިއެކެވެ.
