އުކުޅަހު ބިން ހިއްކާ ނިންމާލައިފި
26 އޯގަސްޓު 2023 | ހޮނިހިރު 02:22މި މަޝްރުއޫގެ ދަށުން 10 ހެކްޓަރުގެ ސަރަހައްދެއްހިއްކި
އއ. އުކުޅަސް ބިން ހިއްކާ ނިންމާލުން
އއ. އުކުޅަހުގެ ބިން ހިއްކާ ނިންމާލައިފިއެވެ.
އެމަސައްކަތްކުރި އެމްޓީސީސީން ބުނީ މިމަހުގެ 6 ވަނަ ދުވަހު ބިން ހިއްކަން ފެށި އުކުޅަހުގެ ބިން މިމަހުގެ 25 ވަނަ ދުވަހު ހިއްކާ ނިންމާ ގޮނޑުދޮށްވެސް ހިމާޔަތްކޮށްފައިވާކަމަށެވެ. މި މަޝްރުއޫގެ ދަށުން 10 ހެކްޓަރުގެ ސަރަހައްދެއް ހިއްކައި 1054 މީޓަރަށް ރިވެޓްމެންޓު ޖަހާފައި ވެއެވެ. ހިއްކި ސަރަހައްދު ހިމާޔަތްކުރުމަށްޓަކައި 80 މީޓަރުގެ ހުރަސްތޮއްޓެއްވެސް ޖަހާފައިވެއެވެ.
ބިމުގެ ޖާގައިގެ މައްސަލަ ހައްލުކުރުމަށް ސަރުކާރުން، އުކުޅަހުގެ ބިން ހިއްކުމުގެ މަސައްކަތް އެމްޓީސީސީއާ ހަވާލުކުރީ 2020 ވަނަ އަހަރުގެ ނޮވެމްބަރު މަހުގެ ތެރޭގައެވެ. މިއީ 71 މިލިއަން ރުފިޔާގެ މަޝްރޫޢެކެވެ.
ބިން ހިއްކުމުގެ މަޝްރޫއާއާއެކު ރަށުން އިގްތިސާދީ އިތުރު ފުރުސަތުތައް ހުޅުވިގެންދާނެ ކަމަށް އެރަށުގެ ކައުންސިލުން މައުލޫމާތުދެއެވެ.
