ޕީޕީއެމްގައި އިސްކޮށް އުޅުނު އަހުމަދު އަޒީލް އާއި އިތުރު ގިނަ ބަޔަކު އެމްޑީޕީ އަށް ސޮއިކޮށްފިއެވެ.
އަލަށް އެމްޑީޕީ އާ ގުޅުނު 500 އެއްހާ މީހުންގެ ފޯމްތަކާއި ހަވާލުވެލެއްވީ އެމްޑީޕީގެ ޗެއަރޕަރސަން ފައްޔާޒް އިސްމާއިލެވެ.
އަލަށް އެމްޑީޕި އާ ގުޅުނު މީހުންގެ ފޯރމުތައް ހަވާލުކުރުން އޮތީ ހުކުރު ދުވަހުގެ ރޭ ހުޅުމާލޭގައި ބޭއްވި ޖަލްސާ އެއްގައެވެ.
އަލަށް ގުޅުނު މެމްބަރުންނަށް ރައްޔިތުންގެ މަޖިލީހުގެ ހުޅުމާލޭ ދާއިރާގެ މެމްބަރު އަލީ ނިޔާޒް ވަނީ މަރުޚަބާ ވިދާޅުވެފައެވެ.
އެމްޑީޕީ އާއި ގުޅުނު އަޒީލް އަކީ ޕީޕީއެމްގެ އިސް ބައެއް މަޤާމުތަކާއި މަސްޢޫލިއްޔަތުތައް އަދާކުރައްވާފައިވާ ބޭފުޅެކެވެ. އެގޮތުން އޭނާ އަކީ އެ ޕާޓީގެ ކުރީގެ ނައިބު ރައީސްވެސްމެއެވެ.
އަލަށް އެމްޑީޕީ އާއި ގުޅުނު ގިނަ މީހުންނަކީ ޒުވާނުންނެވެ.
