އޭސީ މިލާނުންވެސް މޮރާޓާ އަށް ޝައުގުވެރިކަން ފާޅުކޮށްފި

އޭސީ މިލާނުންވެސް ރެއާލް މެޑްރިޑަށް ކުޅެމުން އަންނަ ސްޕެއިންގެ ސްޓްރައިކަރު އަލްވަރާ މޮރާޓާ ހޯދުމަށް ޝައުގުވެރިކަން ފާޅުކޮށްފި އެވެ.

މީޑިއާސެޓް އަށް ދިން އިންޓަވިއުއެއްގައި އޭސީ މިލާންގެ ސީއީއޯ މާކޯ ފަސޮން ވިދާޅުވީ، މޮރާޓާ ހޯދުމަށް ކްލަބުން މަސައްކަތްކުރަމުން އަންނަތާ ދުވަސްތަކެއް ވެދާނެ ކަމަށާއި، އެހެންނަމަވެސް އަދިވެސް އެއްބަސްވުމަކަށް ނާދެވޭ ކަމަށެވެ.

މޮރާޓާ ހޯދުމަށް ގިނަ ކްލަބްތަކުން އަންނަނީ މަސައްކަތްކުރަމުންނެވެ. އޭގެ ތެރޭގައި ޕްރިމިއާ ލީގުގެ އާސެނަލް، ޗެލްސީ އަދި މެންޗެސްޓާ ޔުނައިޓެޑްވެސް ހިމެނެއެވެ.

ކުރިޔަށް އޮތް ސީޒަނަށް ތައްޔާރުވުމަށް އޭސީ މިލާނުން އަންނަނީ ވަރުގަދަޔަށް ތައްޔާރުވަމުންނެވެ. އެގޮތުން މިލާނުން ވަނީ ޔުވަންޓަސް އަށް ކުޅެމުން އަންނަ އިޓަލީގެ ޑިފެންޑަރު ލިއޮނާޑޯ ބޮނޫޗީ އަދި ޕޯޗުގަލްގެ އެންޑްރޭ ސިލްވާ ވަނީ އެޓީމަށް ގެނެސްފައެވެ.

ދާދި ފަހުން ސްޕެއިންގެ ނޫހަކަށް ދިން އިންޓަވިއު އެއްގައި ރެއާލް މެޑްރިޑުގެ ރައީސް ފްލޮރެންޓީނޯ ޕެރޭޒް ވިދާޅުވީ، މޮރާޓާ އަވަސް މުސްތަގުބަލެއްގައި ރެއާލް ދޫކޮށްލާނެކަމަށް އޭނާ ނުދެކޭ ކަމަށާއި، ކްލަބުންވެސް މޮރާޓާ ދޫކޮށްލަން ބޭނުންނުވާ ކަމަށެވެ. އެހެންނަމަވެސް ރެއާލްގެ ޕްރީސީޒަންގައި ބައިވެރިވާން މޮރާޓާ ބޭނުން ނުވާކަމަށް ދެކެވޭ ވާހަކަ ތަކެއްވެސް ދާދި ފަހުން ވަނީ ފެންމަތި ވެފައެވެ.

ރެއާލް މެޑްރިޑުން 2010 ވަނަ އަހަރު ސީނިއާ ކްލަބް ލެވެލް ކެރިއަރު ފެށި މޮރާޓާ ރެއާލް ދޫކޮށްލުމަށްފަހު ޔުވެންޓަސްއަށް 2014 ވަނަ އަހަރު ބަދަލުވެފައިވާއިރު، އެ ކްލަބުގައި އޭނާ ވަނީ ދެ ސީޒަން ހޭދަކޮށްފައެވެ. އެމުއްދަތުގައި އެޓީމަށް ކުޅުނު 93 މެޗުގައި 31 ލަނޑު ކާމިޔާބުކޮށް، އެޓީމާއެކު އިޓާލިއަން ލީގު ދެފަހަރު، އިޓާލިއަން ކަޕް ދެފަހަރު ކާމިޔާބުކޮށްފައެވެ. މީގެއިތުރުން އޭނާ ވަނީ އިޓާލިއަން ސުޕާކަޕްގެ ދެވަނަ އަދި ޔުއެފާ ޗެމްޕިއަންސް ލިގުގެ ދެވަނަ ވެސް ޔުވަންޓަސްއާއެކު ކާމިޔާބުކޮށްފައެވެ.

ޔުވަންޓަސް ދޫކޮށްލުމަށްފަހު މޮރާޓާ ރެއާލަށް ބަދަލުވީ މި ސީޒަނުގައެވެ. އެގޮތުން އޭނާ ވަނީ މިވީތަނަށް މި ސީޒަނުގައި އެޓީމަށް ކުޅުނު 43 މެޗުގައި 20 ލަނޑު ކާމިޔާބުކޮށްފައެވެ.