އަންހެނުންގެ ވޯލްޑްކަޕް: ނުފިލާނެ ހަނދާންތައް

އޮސްޓްރޭލިޔާ އާއި ނިއުޒީލޭންޑްގައި ނިމިގެންދިޔަ އަންހެނުންގެ ވޯލްޑްކަޕް ފުޓްބޯޅަ މުބާރާތަކީ ހާއްސަ މުބާރާތެކެވެ. 32 ގައުމު ބައިވެރިކޮށްގެން ފީފާއިން ކުރިއަށް ގެންދިޔަ މުބާރާތުގެ ތަށި ހޯދީ ސްޕޭނެވެ. އެއީ ފައިނަލުގައި ޔޫރަޕުގެ ޗެމްޕިއަން އިނގިރޭސިން 1-0އިން ބަލިކޮށްގެންނެވެ. މިމުބާރާތުގައި ފާހަގަކޮށްލެވޭ މުހިންމު ކަންކަމަށް ބަލާލާނަމެވެ.

1. ނިއުޒީލޭންޑްގެ މޮޅު: މި ފަހަރުގެ މުބާރާތަކީ ވޯލްޑްކަޕުގައި ނިއުޒީލޭންޑް މެޗަކުން މޮޅުވި ފުރަތަމަ ފަހަރެވެ. ނިއުޒީލޭންޑް މޮޅުވީ 22 އަހަރުތެރޭގައި 15 މެޗަކުން ބަލިވުމަށްފަހު އެވެ. ނަމަވެސް ނޯވޭ އަތުން އެ ގައުމު މޮޅުކޮށްދިނީ ހަންނާ ވިލްކިންސަން ޖަހައިދިން ހަމައެކަނި ގޯލުންނެވެ.

2. ޖެމެއިކާ ބްރެޒިލް ކަޓުވާލުން: މުބާރާތުގައި ކުޅުނު ފުރަތަމަ ދެ މެޗުން ޖެމެއިކާ ހަތަރު ޕޮއިންޓް ހޯދި އެވެ. ގްރޫޕުގެ ފަހު މެޗުގައި ބްރެޒިލާ ދެކޮޅަށް ނުކުތްއިރު އެޑްވާންޓޭޖް އޮތީ ޖެމެއިކާ އަށެވެ. މެޗު އެއްވަރުކޮށް ޖެމެއިކާ ދެވަނަ ބުރަށް ދަތުރުކުރިއިރު ބްރެޒިލް ކެޓުންވީ ވަރަށް ބޮޑު ހައިރާންކަމަކަށެވެ.

3. ޖަރުމަނު ކަޓުވާލައި މޮރޮކޯ ދެ ވަނަ ބުރަށް: ވޯލްޑްކަޕުގައި މުޅިން އަލަށް ކުޅުނު މޮރޮކޯ މުބާރާތް ފެށީ ޖަރުމަނު އަތުން 6-0އިން ބަލިވެގްނެނެވެ. އެކަމަކު ކޮލަމްބިއާ އާއި ކޮރެޔާ ބަލިކޮށް ދެވަނަ ބުރުން ޖާގަ ހޯދުމަކީ އަރަބި އަދި އިސްލާމީ ދުނިޔެ އުފާފާޅު ކުރި ކަމެކެވެ.

4. ސްވިޑްން ކީޕަރު: މުބާރާތުގެ ތިން ވަނަ ހޯދި ސްވިޑްން ކީޕަރު ޒެކީރާ މުސޮވިޗް ވަނީ ދިފާއީ ޗެމްޕިއަން އެމެރިކާއާ ދެކޮޅަށް ކުޅުނު މެޗުގައި 11 ސޭވްކޮށްފަ އެވެ. އަދި ޕެނަލްޓީ ޝޫޓް އައުޓްގައި ވެސް މޮޅަށް ކުޅެ އޭނާ ވަނީ މޮޅު ކުޅުންތެރިޔާގެ މަގާމު ހޯދާފަ އެވެ. މުސޮވިޗް މި މުބާރާތުގައި ބޮޑު މަޝްހޫރިކަމެއް ހޯދި އަނެއް ކަމަކީ މުބާރާތުގެ ކުރިން އޭނާ އަކީ އޭނާ އަކީ ގައުމީ ޓީމުގެ ތިންވަނަ އަދި އޭނާގެ ކުލަބު ޗެލްސީގެ ބަދަލު ކީޕަރަށްވުމުންނެވެ.

5. އޮސްޓްރޭލިޔާ ކީޕަރުގެ ސޭވްތައް:ކުއާޓާ ފައިނަލުގައި ފްރާންސާ ދެކޮޅަށް ކުޅުނު މެޗުގައި އޮސްޓްރޭލިޔާގެ ކީޕަރު ވަނީ ތިން ޕެނަލްޓީ މަތަކޮށްފަ އެވެ. މިއާއެކު އޭނާވެފައިވަނީ މުބާރާތުގައި ޕެނަލްޓީ ޝޫޓްއައުޓްގައި އެންމެ ގިނަ ޕެނަލްޓީ މަތަކުރި ކީޕަރަށެވެ.

6. ސްޕޭން ތަށި ހޯދުން: މުބާރާތުގެ ތަށި ސްޕޭން ހޯދިއިރު ދުނިޔޭގެ ޗެމްޕިއަންކަން ކުރިން ހޯދާފައިވާ ހުރިހާ ގައުމެއް ކުއާޓާ ފައިނަލުން މުބާރާތާ އަލްވަދާއު ކިޔަން ޖެހުނެވެ. އެއީ ނޯވޭ އާއި އެމެރިކާ އަދި ޖަރުމަނާއި ޖަޕާނެވެ.