ރާއްޖެ
ސަންދާނު އަހައްމައިދީ ނިޔާވުން
ސަންދާނު އަހައްމައިދީ ނިޔާވެއްޖެ
ޚިޔާލު ފާޅުކުރުމާއި ގުޅުން ހުރި ހައްޤުތަކަށްޓަކައި އޭނާ ވަނީ ވަރަށް ބޮޑަށް ވަކާލާތުކުރައްވާފައި
ނަޒާހަތު އިބްރާހިމް ރަޝީދު, ރާއްޖެ އެމްވީ | 23 އޯގަސްޓު 2023 | ބުދަ 02:14
ސަންދާނު އަހައްމައިދީ
ނޫސްވެރިކަމުގެ މިނިވަންކަމާއި ރާއްޖޭގެ ޑިމޮކްރެސީ ކުރިއެރުވުމަށް ގިނަ މަސައްކަތްތަކެއް ކޮށްދެއްވާފައިވާ އަޙުމަދު އިބްރާޙީމް ދީދީ (ސަންދާނު އަހައްމައިދީ) ނިޔާވެއްޖެއެވެ.
އޭނާ ނިޔާވީ ރޭ ދަންވަރުގެ ވަގުތެއްގައެވެ.
އޭނާ ނިޔާވިއިރު އުމުރަކީ 72އެވެ. އޭނާގެ ޖަނާޒާ އޮންނާނީ މިއަދުގެ އަސުރުނަމާދަށް ފަހު ހުޅުމާލެ ސަހަރާގައެވެ.
އޭނާ ވަނީ ރާއްޖޭގައި ނޫސްވެރިކަމުގެ މިނިވަންކަން ކުރިއަރުވަން ގިނަ މަސައްކަތްތަކެއް ކުރައްވާފައެވެ. މީގެ އިތުރުން އިންސާނީ ހައްޤުތައް ކުރިއެރުވުމަށާއި މުޒާހަރާކުރުން ފަދަ ޚިޔާލު ފާޅުކުރުމާއި ގުޅުން ހުރި ހައްޤުތަކަށްޓަކައި އޭނާ ވަނީ ވަރަށް ބޮޑަށް ވަކާލާތުކުރައްވާފައެވެ.
