ސޯޝަލް މީޑިއާ ބޭނުންކުރައްވަވާ ގޮތް ރައީސް ޓްރަމްޕް ދިފާއު ކުރައްވައިފި

އެމެރިކާގެ ރައީސް ޑޮލަޑް ޓްރަމްޕް ސޯޝަލް މީޑިއާ ބޭނުންކުރައްވާ ގޮތް ދިފާއު ކުރައްވައި އެ މަނިކުފާނު ސިލްސިލާ ޓްވީޓްތަކެއް ކުރައްވައިފިއެވެ.

ރައީސް ޓްރަމްޕް މި ޓްވީޓްތައް ކުރެއްވީ އެމްއެސްއެންބީސީގެ ޕްރެެޒެންޓަރަކާއި ބެހޭގޮތުން ކުރެއްވި ޓްވީޓަކަކާ ގުޅިގެން ލިބިވަޑައިގެންނެވި ކޮމެންޓް ތަކަކާއި ގުޅިގެންނެވެ.

"އަޅުގަނޑު ސޯޝަލް މީޑިއާ ބޭނުންކުރުމަކީ ރައީސްކަމާ ގުޅުން އޮތްކަމެއް ނޫން، މިއީ މި ޒަމާނުގައި ރައީސްކަން ކުރާ ގޮތް"ކަމަށް ވިދާޅުވެ ހޮނިހިރު ދުވަހު ޓްރަމްޕް ވަނީ ޓްވީޓެއް ކުރައްވާފައެވެ.

މިދިޔަ ހަފްތާގެ ކުރީކޮޅު ޓްރަމްޕްވަނީ މިކާ ބްރެޒެޒެންސްކީއާ އާއި ޖޯ ސްކާބަރާއާބެހޭ ގޮތުން ޒާތީ ޓްވީޓެއް ކުރައްވާފައެވެ.

ރައީސް ޓްރަމްޕްގެ އެ ޓްވީޓްތައް ވައިޓް ހައުސްއިން ދިފާއުކުރި ނަމަވެސް ޑެމޮކްރޭޓުންނާއި ރިޕަބްލިކަނުންވެސް އެ ޓްވީޓްތައް ކުށްވެރިކުރެއްވިއެވެ. މީގެ ކުރިން ޓްރަމްޕްގެ އަރިސް ބައެއް ބޭފުޅުންވެސްވަނީ އެ ޓްވީޓްތައް ކުށްވެރިކުރައްވާފައެވެ.

ނަމަވެސް ރައީސް ޓްރަމްޕް ހޮނިހިރު ދުވަހު ވިދާޅުވެފައިވަނީ ސޯޝަލް މީޑިއާއިން މީހުންނާ ސީދާ މުއާމަލާތް ކުރުމުގެ ފުރުސަތު އެ މަނިކުފާނަށް ލިބިވަޑައިގެންފައިވާކަމަށެވެ.

އާއްމު ބައެއް މީޑިއާތައް ރައީސް ޓްރަމްޕް ސިފަ ކުރައްވަމުން ގެންދަވަނީ "ފޭކް ނިއުސް"ގެ ގޮތުގައެވެ.

ރައީސް ޓްރަމްޕް ވިދާޅުވީ "ފޭކް އަދި ފްރައުޑް ނޫސް މީޑިއާތަކުން މަސަައްކަތް ކުރަމުންދަނީ އެ މަނިކުފާނު ސޯޝަލް މީޑިއާ ބޭނުންކުރައްވަން ޖެހިވަޑައިނުގަންނަވާކަމަށް ރިޕަބްލިކަނުންނާއި އެހެން ފަރާތްތަކަށް ވިސްނައި ދިނުމަށްކަމަށެވެ.

ނަމަވެސް 2016ގެ އިންތިޚާބް އެ މަނިކުފާނު ކާމިިޔާބު ކުރައްވާފައިވަނީ ވަނީވެސް އިންޓަވިއުތަކާއި ތަގުރީރުތަކާއި އަދި ސޯޝަލް މީޑިއާ ބޭނުންކުރައްވައިގެންކަމަށް ޓްރަމްޕް ވިދާޅުވެފައިވެއެވެ.

ރައީސް ޓްރަމްޕްގެ އަރިސް ބޭފުޅެއްގެ މައްސަލަ ކޮންގްރެސްއިން ތަހުގީގު ކުރަމުންދާކަމަށް ތުހުމަތުކޮށް އެމެރިކާގެ ސީއެންއެންއިން ލިޔެފައިވާ އާޓިކަލްއަކާ ގުޅިގެން ޓްރަމްވަނީ އެ އިދާރާއަށް ފާޑުވިދާޅުވާ ވިދާޅުވުން އިތުރު ކުރައްވާފައެވެ.